A Coordinadora para o Estudo dos Mamíferos Mariños (Cemma) confirmou a especie avistada a unha milla da costa de Malpica. Trátase dun exemplar de xibarte dun tamaño aproximado de 12-15 metros. É común observar a esta especie aproximadamente unha vez ao ano.
Os expertos da organización afirman que pola descrición de Alberto Vilas Areosa, que foi quen gravou o vídeo, pode tratarse dunha adulta, o que si que é menos habitual. “Adoitamos ver especies xuvenís duns 10 metros de lonxitude”, afirman.
Publicidade
No vídeo obsérvase como a xibarte nada placidamente. Días anteriores a este avistamento os traballadores do Cemma confirmaron ter visto outra preto da costa de Ferrol.
