As aurora boreais son un dos espectáculos máis abraiantes que ofrece o ceo. As imaxes deste fenómeno case sempre se capturan dende a Terra. Agora, a NASA acaba de facer públicas unhas fotografías sacadas polo astronauta Josh Cassada dende a Estación Espacial Internacional, que permiten ver as auroras boreais dende o lado contrario: o espazo. A foto tomouse mentres a estación pasaba polo sudeste da provincia de Manitoba, en Canadá, nas primeiras horas da mañá do 27 de febreiro.
Segundo explican dende a NASA, o ciclo solar mídese tradicionalmente polo aumento e a diminución do número de manchas solares, pero tamén coincide co aumento das erupcións solares —tamén denominadas execcións de masa coronal—, as emisións de radio e oturas formas de meteoroloxía espacial. Estas explosións poden poñer en movemento os gases e as partículas da magnetosfera terrestres. Estas partículas envíanse á atmosfera superior da Terra a altitudes de 100 a 400 quilómetros, onde excitan as moléculas de osíxeno e nitróxeno e liberan fotóns. O resultado son raios, láminas e cortinas de luz. Noutras palabras: auroras boreais.
