Venres 29 Marzo 2024

Así se ve a constelación de satélites de Elon Musk

Máis de 4000 obxectos orbitan arredor da Terra para vender unha tarifa de datos que proporciona acceso universal á rede

Unha ampla rede de satélites orbita arredor da Terra para ofrecer servizos de Internet dende calquera punto do planeta. Son máis de 4.000 e foron lanzados no marco do proxecto Starlink de Space X, unha compañía de Elon Musk que pretende converterse nun servizo totalmente comercial. Baséase nunha tarifa de datos a nivel mundial e a empresa salienta a posibilidade de acceder á rede dende calquera zona do océano. Segundo a revista Frontera Espacial, os satélites non son moi grandes, miden dez metros cun único panel solar despregado e é o reflexo do Sol o que os fai tan brillantes. Están situados entre 250 e 300 quilómetros de altura e son visibles dende a Terra.

O primeiro lanzamento tivo lugar o 23 de maio 2019 e xa en 2022 a empresa contaba con 3.000 satélites na órbita terrestre. Hai uns días SpaceX lanzou outros 56 satélites Starlink. Foi fácil identificalos no ceo, semellaban a unha estrela que se movía rapidamente. Algunhas persoas chegaron a pensar que podían ser OVNIs e compartiron vídeos e imaxes nas redes sociais para atopar unha explicación científica. Cada semana a compañía envía novos satélites, por iso, creáronse varias páxinas web que permiten escoller as coordenadas exactas para saber por onde van a pasar nos próximos lanzamentos e así observalos. Unha delas é Findstarlink.com.

Publicidade

Precisamente, unha das críticas que recibiu Starlink por parte da comunidade astronóma foi que esta cantidade de satélites no ceo perxudica as súas observacións, xa que pode dar lugar a confusións. Dende Starlink afirmaron que o seu desexo é que a xente admire os satélites sen perderse a Lúa e o resto de planetas do Sistema Solar. Cos beneficios obtidos con este servicio de datos a nivel mundial, Elon Musk pretende financiar futuras misións a Marte.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Caída masiva de internet nas principais compañías móbiles en España

Numerosos usuarios quéixanse de dificultades para acceder á rede e incluso chamar, pero non transcendeu que impacto tivo en Galicia

Un enxeñeiro galego crea un mecanismo para acelerar as conexións a internet no móbil

Esta proposta da tese de Pablo Fondo, do atlanTTic, é compatible coas redes 4G existentes, o que facilita a súa integración

Os perfís verificados galegos, contra a nova insignia azul: “Twitter será menos fiable”

Perfís influíntes como os xornalistas Gonzo, Lucía Taboada ou Manuel Gago critican a proposta de Musk de cobrar pola verificación: "O identificador beneficia á imaxe de Twitter"