Domingo 14 Abril 2024

Así se forman os “sombreiros do Teide”, as curiosas nubes que coroan o volcán canario

O meteorólogo Juan Jesús González Alemán explica que este fenómeno fórmase pola propia montaña e modúlase polo vento que se produce nesa capa atmosférica

O Teide é o protagonista indiscutible do perfil de Tenerife, a illa canaria na que se sitúa o sonado volcán. Ademais da fermosa paisaxe que forma esta espectacular estrutura xeolóxica, hai fenómenos meterolóxicos que contribúen a facela aínda máis impresionante. Un deles é coñecido como “o sombreiro do Teide”; unha nube estática —denominada lenticular— que se forma pola propia montaña e se modula polo forte vento que se produce nesa capa atmosférica.

O investigador da Axencia Estatal de Meteoroloxía (AEMET) Juan Jesús González Alemán colgou na súa canle de Twitter una vídeo timelapse do comportamento dunha das nubes lenticulares que coroan o Teide. Isto permite coñecer máis de preto a dinámica dos seus sombreiros. Segundo explica o experto, “esta nube fórmase cando un fluxo intenso de aire estable se atopa coa montaña e se ve obrigado a ascender”. “Isto produce un tren de ondas corrente abaixo e como hai suficiente humidade, a nube fórmase estática no primeiro ascenso, xusto sobre a cima da montaña”, conclúe González Alemán.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Galicia vivirá unha primavera “máis cálida do normal”

Segundo a AEMET, as temperaturas invernais estiveron 1,8 graos por enriba da media habitual para esta época do ano

Francisco Infante, delegado da Aemet: “En Galicia está cambiando o patrón de precipitacións”

O experto apunta que a comunidade suma meses máis cálidos do normal e que non será unha excepción á subida do nivel do mar

Os días de neve nas montañas de Lugo e Ourense reduciranse á metade a finais de século

O meteorólogo Benito Fuentes analiza o impacto do quecemento global sobre as estacións de esquí, con Cabeza de Manzaneda como a única de Galicia

O inverno galego xa é máis curto: en Vigo hai un mes menos de frío

En 60 anos, a estación reduciuse unha media de tres semanas na península