Moitas persoas están saíndo estes días ao anoitecer a observar un fenómeno que non volverán ver nunca na súa vida. É o cometa Neowise (C/2020 F3), cun período orbital de máis de 6.500 anos, e que leva sendo visible desde comezos de xullo no ceo. Primeiro podía observarse antes do amencer e, durante estes días, xa con algo menos de brillo ao afastarse do Sol (acadou o seu punto máis próximo o pasado 3 de xullo), segue sendo visible unha vez que a estrela se oculta baixo o horizonte, a partir das 23 horas en Galicia.
Entón, mirando cara ao noroeste (se é posible nunha zona con pouca contaminación luminosa e co ceo despexado nesta dirección), poderase albiscar a o trazo do corpo celeste. Como acontece con estes obxectos, pode obsevarse o seu núcleo como un pequeno punto brillante seguido dunha cola, unha nube de po e gases que se van desprendendo del debido á influencia do Sol. É aconsellable, polo seu escaso brillo, observalo con prismáticos ou un telescopio, se é posible. A ausencia de nubes e as boas temperaturas nocturnas tamén facilitarán a observación.
O mellor momento para velo é entre as 23.30 e preto da 1 da madrugada, xa que a partir desta hora, polo seu movemento respecto á Terra, ocultase durante un tempo baixo o horizonte, ata que volve aparecer arredor das 4 da madrugada ata preto das 6. Nesa hora, as primeiras luces do amencer ocúltano de novo, xa que está moi próximo ao lugar do ceo por onde sae o Sol.
As imaxes do Neowise en Galicia
Numerosos fotógrafos profesionais e afeccionados, así como unha importante cantidade de persoas atraídas polo encanto do cometa, están saíndo estes días á noite para observar desde algún punto alto o cometa. E tamén é moita a xente que está deixando testemuño nas redes en forma de foto, vídeo e timelapse. Estes son algúns exemplos:
Atrapando al cometa #NEOWISE de camino a #Santiago de #Compostela pic.twitter.com/IdVyZwZWcq
— aleixandrus (@aleixandrus) July 16, 2020
O #NeowiseComet visto desde o Pico de Ferreira (San Sadurniño) na madrugada do 16 ao 17 de xullo. Todo un espectáculo gratuíto e seguro do que podedes gozar até o 23 de xullo. Buscade un sitio con pouca contaminación lumínica (impósibol) e mirade ao NO a primeira hora da noite. pic.twitter.com/rYsxmlVkw7
— San Sadurniño (@concellosansa) July 17, 2020
The Rising… @ceosGalegos #NEOWISE pic.twitter.com/SKLldGnCau
— O Fins (@CorneliusGZ) July 14, 2020
O cometa Neowise por riba da cidade de Lugo. Imaxe tomada dende a Serra do Iribio.#neowise #neowisecomet #c2020f3 @CeosGalegos pic.twitter.com/iacCNZozsK
— luis vilanova (@luscofusco_ph) July 16, 2020
#Vigo #Granvía #Cometa
#C/2020 F3 #NEOWISE
NEA EARTH OBJECT WIDE-FIELD SURVEY EXPLORER
Timelapse desde la colina de Castrelos pic.twitter.com/An2xSq18IF— Alberto Sxenick (@AlbertoSxenick) July 17, 2020
Comet #NEOWISE visible from A Coruña at naked eye right now. pic.twitter.com/BI4EuaFQrr
— Gonzalo J. Carracedo (@BatchDrake) July 16, 2020
