É mellor intentalo canto antes, se pode ser este mércores ou xoves, xa que nos vindeiros días o cometa Neowise (C/2020 F3) irá perdendo brillo ao afastarse do Sol e, uns días máis tarde, da Terra. Este corpo celeste, descuberto o 27 de marzo polo telescopio espacial que lle deu nome, será visible ao amencer, algo antes de que saia o Sol, mirando cara ao noroeste nun horizonte e un ceo despexados, xa que está bastante baixo. A partir do 14 de xullo, xa con menos brillo, comezará a verse durante o atardecer mirando cara ao noroeste.
Durante estos días es posible ver el cometa C/2020 F3 (NEOWISE) desde nuestras latitudes (unos 40ºN). Búscalo hacia el noreste antes de que salga el Sol. Está bajo, por lo que necesitas un horizonte despejado y sin obstáculos. Se puede ver a simple vista o mejor con prismáticos. pic.twitter.com/7zQSfKDtwi
— Real Observatorio (@RObsMadrid) July 6, 2020
O cometa Neowise acadou o seu perihelio (distancia mínima ao Sol) o pasado 3 de xullo, situándose a 0,3 unidades astronómicas da estrela, e cunha magnitude 0,5. Nestes días, a magnitude xa é menor, chegando a 2 (o brillo é maior canto menor sexa a cifra).
Tanto nestes días como a partir do momento no que se poida observar no atardecer é recomendable mirar ao cometa Neowise con prismáticos para velo con claridade, dada a súa proximidade ao Sol. O 23 de xullo acadará a súa máxima proximidade á Terra, aínda que xa lonxe do Sol, polo que a súa magnitude baixará a 3,5.
Un período orbital de 6.500 anos
Tal e como explica o científico Josep M. Trigo na revista Investigación y Ciencia, o cometa Neowise segue unha óbrita case parabólica, cun período orbital que aínda se está precisando, pero que se estima en arredor de 6.500 anos. “Non é habitual que existan observacións previas destes cometas de períodos tan longos, a non ser as meticulosamente tomadas hai máis de mil anos por astrónomos chineses para cometas de períodos bastante máis curtos”.
Para localizalo, Trigo recomenda buscar a estrela Capella, a máis brillante da constelación Auriga, e baixar cara ao horizonte para atopar o cometa.
Nestes días, mesmo desde a Estación Espacial Internacional capturaron o paso do cometa Neowise. Así o retratou o astronauta Bob Behnken:
Last night's fireworks, for real. Because Science. #NEOWISE #comet pic.twitter.com/IKcJ1wLFAl
— Bob Behnken (@AstroBehnken) July 5, 2020
