Un minuto e 54 segundos. Ese é o tempo que durou a escuridade na Antártida, protagonista dun eclipse total de sol. Ocorreu o sábado 4 de decembro e o fenómeno quedou inmortalizado grazas aos fotógrafos que ían a bordo de dous buques: o National Geographic Resolution e o National Geographic Endurance. Pero eles non foron os únicos espectadores. Os pingüíns tamén se congregaron para contemplar a escuridade que provocou a sombra da lúa.
Para observar o próximo eclipse solar total haberá que esperar arredor de ano e medio. En abril de 2023, o fenómeno será visible en partes do sudeste asiático e Australia. Zonas con moitos máis espectadores que a Antártida. Malia que nós teñamos que seguir esperando para ver este espectáculo.
Publicidade
