Unha montaña nevada ardendo? Non é lume aínda que o pareza. E ten unha explicación científica. Así o explicou o físico e investigador da Axencia Estatal de Meteoroloxía (AEMET) Juan Jesús González Alemán na súa canle de Twitter, en alusión a un vídeo que se fixo viral nos últimos días e que mostraba, precisamente, o que parecía un incendio sobre unha montaña nevada. Segundo explicou o experto a través dun timelapse, é un fenómeno relativamente común. O que se ve, dende logo, non é lume, senón vapor de auga que ascende pola interacción coa montaña. Logo arrefríase ao entrar en contacto con menores presións e condénsanse formando o que se denomina “nube bandeira”. Pero… Por que o vapor de auga ten tons alaranxados? Pola luz solar, que crea este curioso efecto visual.
Un incendio sobre unha montaña nevada? Non todo é o que parece
O vídeo viralizouse en redes sociais polo sorprendente impacto visual, mais un experto explica que non é lume e achega a visión científica
