O 16 de novembro de 2022 completouse con éxito o despegue da misión non tripulada de Artemis I, a primeira dun programa espacial da NASA para viaxar á Lúa e a Marte, dende o Centro Espacial Kennedy da NASA en Florida (EE.UU.).
Tras 25 días e case 11 horas de voo, o domingo 11 de decembro sobre as 18.40 hora española, a cápsula de Orion amarou cerca da illa de Guadalupe, a uns 320 km de Baixa California, en México, xa que por cuestións metereolóxicas non foi posible facelo nas costas de San Diego, en EE.UU. Xustamente, o seu retorno á Terra coincidiu cunha data sinalada, pois cumplíronse 50 anos da última vez que dous astronautas, Gene Cernan e Harrison Schmitt, da Apolo 17, pisaron a Lúa.
A nave Orión alcanzou a atmósfera terrestre a unha velocidade de 40.000 km/h e percorreu, sen sufrir ningún dano, a excepción dalgún apagón restablecido rápidamente, un total de 2,2 millóns de kilómetros, como estaba previsto.
O obxectivo desta primeira proba do programa Artemis é preparar á presenza humana permanente no noso satélite, de modo que agora a cápsula será estudada polos enxeñeiros da NASA, que recompilarán información sobre o impacto das temperaturas na súa estrutura. Así, preténdese garantizar un regreso seguro, desta volta con catro astronautas humanos nunha segunda fase prevista para 2024: a misión Artemis II.
