Venres 29 Marzo 2024

As persoas que volvan desde Madrid con síntomas serán “casos sospeitosos”

O presidente da Xunta de Galicia avanzou na comparerencia de prensa que se enviarán recomendacións a estas persoas e os seus achegados

IMPORTANTE: O que todos podemos facer para frear o coronavirus

Nos últimos días, diante das medidas tomadas pola Comunidade de Madrid, e a conseguinte preocupación pola incidencia do SARS-CoV-2 na capital de España e a súa área de influencia, as autoridades constataron o regreso dun importante número de persoas a Galicia, nomeadamente estudantes, pero non só.

Publicidade

Durante a xornada do xoves, nas súas dúas comparecencias, o presidente da Xunta apuntou que se enviarán unha serie de medidas “explícitas” para evitar posibles contaxios a estas persoas e os seus achegados.

“Preocúpanos, e así nolo teñen trasladado os profesionais sanitarios, o gran número de universitarios que volveron desde outras comunidades autónomas. Por tanto pedímoslle aos mozos e mozas que sexan sensibles coas medidas que estamos trasladando. É necesario que fagan especial fincapé en seguir as pautas”, declarou Feijoo.

Na noite do xoves, La Voz de Galicia adiantaba algunhas destas medidas, que afectarán ao proceder dos profesionais sanitarios á hora de decretar un posible caso. Así, o Sergas deu orde a todos os hospitais de considerar como “caso sospeitoso” a todas as persoas que amosen síntomas de infección respiratoria (dificultade para respirar, tose ou febre), e que estiveran nas últimas dúas semanas nalguha das áreas de transmisión comunitaria.

Así, estas medidas esténdese ademais de Madrid a La Rioja, os municipios de La Bastida e Vitoria-Gasteiz (País Vasco) e Miranda de Ebro (Castilla y León), en España; toda Italia; o departamento de Heinsberg (Renania do Norte-Westfalia) en Alemaña; os departamentos de Haut-Rhin (Grand Est) e l’Oise (Hauts-de-France); China, Corea do Sur, a illa de Hokkaidō, en Xapón, Singapur e Irán.

Agárdase que este cambio de criterio para considerar casos sospeitosos provoque un aumento do número de probas sobre o SARS-CoV-2 que se terán que realizar en Galicia.

Máis info:

A Xunta suspende as clases durante 14 días a partir do luns polo coronavirus

Galicia suma 90 casos de SARS-CoV-2, con seis persoas na UCI

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.