Únete á nosa canle de Whatsapp
En vista das novas medidas de contención polo coronavirus SARS-CoV-2 e a evolución da doenza Covid-19, e a partir das recomendacións e directrices indicadas pola Xunta de Galicia, os reitores das tres universidades galegas suspenden todas as actividades docentes presenciais desde este venres 13 de marzo en todos os seus campus. A suspensión da actividade lectiva que hoxe confirmou o presidente galego, súmase á das comunidades de Madrid, Murcia, País Vasco, La Rioja, Cataluña, Navarra ou Cataluña.
As institucións académicas de Santiago, Vigo e A Coruña xa anticiparan nestes últimos días protocolos e plans de continxencia para afrontar estas posibles medidas, así como o procedemento en caso de posibles contaxios nas súas instalacións.
A través das súas páxinas web e as súas redes sociais, así como mediante as canles internas do persoal, as universidades enviarán cumprida información aos membros da comunidade académica, para colaborar e adaptar a actividade docente e o seu funcionamento administrativo ordinario á nova situación. Desde as universidades piden máxima colaboración e o seguimento das recomendacións de saúde pública das autoridades sanitarias.
Aquí podes seguir a información de cada unha das universidades.
Universidade da Coruña
Universidade de Vigo
Universidade de Santiago de Compostela
Máis info:
A Xunta suspende as clases durante 14 días a partir do luns polo coronavirus
Galicia suma 90 casos de SARS-CoV-2, con seis persoas na UCI
As persoas que volven a Galicia desde Madrid terán que tomar medidas “explícitas”
