A empresa Observer Science Tourism e a Deputación de Lugo presentaron esta semana un programa de rutas gratuítas de turismo científico, dirixidas a todos os públicos, para dar a coñecer a importancia natural e histórica das montañas de Ancares e O Courel. As rutas abordarán aspectos como a xeoloxía, a botánica, a fauna, a paleontoloxía ou a astronomía, aproveitando as grandes condicións destes espazos do leste de Lugo.
A inscrición xa pode realizarse a través do portal de turismo da Deputación de Lugo. En todas as visitas, os menores de idade deberán ir acompañados dun adulto. O programa de rutas é o seguinte:
Xeoloxía
Os Ancares na Idade de Xeo. 18 de maio ás 11 horas no Piornedo (Cervantes). Duración aproximada: 2 horas e media. Número de prazas: 30.
Botánica
A Devesa da Rogueira, o auténtico bosque atlántico galego. 8 de xuño ás 11 horas na aula da natureza de Moreda (Folgoso do Courel). Duración aproximada: 2 horas e media. Número de prazas: 30.
Fauna
Osos e demais mamíferos: buscando rastros. 13 de xullo ás 10 horas en Froxán (Folgoso do Courel). Duración aproximada: 3 horas. Número de prazas: 25.
A noite dos morcegos en Ancares. 3 de agosto ás 20 horas no Piornedo (Cervantes). Duración aproximada: 4 horas. Número de prazas: 30.
Astronomía
A noite estrelada dos Ancares. 13 de agosto de 2019 ás 22 horas na Fonsagrada (precisarase o punto exacto de encontro en datas próximas á actividade). Duración aproximada: 2 horas. Número de prazas: 30.
Paleontoloxía
Viaxando na máquina do tempo: os animais de Ancares e Courel. 21 de agosto ás 11 horas no museo xeolóxico de Quiroga. Duración aproximada: 2 horas. Número de prazas: 30. Actividade dirixida a familias con nenos de a partir de 6 anos, sempre acompañados dun adulto.
Muy interesante