Domingo 25 Febreiro 2024

Un crocodilo na lagoa das Pontes con 28 millóns de anos

Na vella mina foron atopados fósiles con máis de vinte millóns de anos, cando Galicia tiña un clima subtropical

Hai 28 millóns de anos, mandas de crocodilos campaban por Galicia nun clima subtropical, con lagoas e pantanos, grandes pastizais e árbores e fentos. Aquela natureza entre a selva e os pasteiros, con abundancia de auga, era o terreo propicio para unhas especies que, xa no Oligoceno, eran en realidade unha reliquia do Triásico, 180 millóns de anos antes, cando reinaban os dinosauros.

O curioso é que algúns daqueles crocodilos chegaron ata o Holoceno, é dicir, a era actual con permiso dos que defenden que xa estamos noutra distinta: o Antropoceno, caracterizada pola influencia do ser humano sobre a nosa Terra.

Aqueles crocodilos da Galicia de hai 28 millóns de anos viaxaron ata os nosos días en forma de restos fósiles, que foron atopados na mina de de lignito pardo de Endesa nas Pontes.

Restos fósiles no carbón.

Dende os anos 80, primeiro por casualidade, e despois xa como froito da mostraxe, os xeólogos de Endesa foron atopando distintas mostras, entre as que figuran varios fósiles de crocodilos, entre os que figuran un cranio, vértebras e un tronco que mide máis de tres metros e medio de lonxitude. Estas colosais criaturas non eran precisamente unha píntega.

Fósil da cabeza dun crocodilo.

A Casa das Ciencias da Coruña xa realizou no 2008 unha exposición con estes fósiles, ademais doutros de cogomelos e dun hipotótamo pigmeo que tamén foron atopados na mina das Pontes.

Os investigadores atoparon que estes crocodilos da Galicia do Oligoceno vivían en terreos pantanosos de pouca profundidade, apenas dous metros. E o traballo na mina permitiu aflorar estes restos fósiles, conservados na roca sedimentaria que consegue manter en boas condicións estes restos fosilizados.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:03:05

R de Revolta: o autogoberno irmandiño de “todos á unha”

Entre 1467 e 1469 a rebelión do poder popular arremeteu contra as fortalezas do Reino, o símbolo material da violencia dos señores

A borrasca Louis activa a alerta vermella en Galicia por ondas de ata 8 metros

As baixas presións situadas en Islandia provocan un forte temporal marítimo e envían chuvia, vento e neve ao noroeste peninsular

Unha potente borrasca traerá chuvia abundante e desplome de temperaturas a partir do xoves

Galicia acadará os 22 graos entre luns e martes mentres que a fin de semana estará marcada por un "temporal invernal"

O déficit de transporte de humidade do Atlántico triplica a posibilidade de seca en Galicia

A investigación realizada na Universidade de Vigo foi publicada na revista ‘Nature Water’