Martes 19 Marzo 2024

Malpica dá os primeiros pasos para converterse nun destino de turismo astronómico

O concello bergantiñán pon en marcha un plan de impulso, asentado na baixa contaminación luminosa e as peculiaridades dos cabos de Nariga e Santo Hadrián

Durante estes días, quen se achegue ao cabo de Santo Hadrián, no concello de Malpica de Bergantiños, pode observar un acontecemento pouco habitual: ver o Sol saír e poñerse no sobre o mar. Algo antes das sete da mañá, o astro rei sae polo nordeste, moi preto da liña que marca o cabo Prior no horizonte, e ponse pasadas as 22 horas polo noroeste, a carón dos montes do Roncudo, en Corme. O fenómeno, que se prolonga ata o mes de xullo, foi un dos piares para que o municipio impulsase un plan para converterse en destino xeoturístico astronómico. As bases xa se iniciaron hai varios anos, cun estudo realizado polo catedrático da USC Jorge Mira, e agora toman forma con novas iniciativas apoiadas polo goberno local.

Segundo explican desde o Concello, “Punta Nariga e Santo Hadrián, polas súas características xeográficas, converten a ambos puntos nun lugar privilexiado para a observación de fenómenos astronómicos”. Ademais, outros estudos poñen de relevo que a baixa contaminación luminosa (algúns estudos sosteñen que a Costa da Morte é unha das zonas do litoral con menor impacto de toda a península ibérica), o que podería xogar un papel relevante na promoción da zona. O goberno local explora xa vías de financiamento para preservar a calidade de observación do ceo mediante a redución da polución luminosa. Neste sentido, o Concello estudará a posibilidade de certificar a localidade como Destino Starlight, recoñecemento do que en Galicia dispoñen as Illas Cíes e o municipio ourensán da Veiga, que acolle o macizo de Pena Trevinca.

Publicidade

As conversas sobre o proxecto centraron unha xuntanza celebrada este luns no concello malpicán, na que participaron o alcalde, Walter Pardo; a concelleira de Cultura, Leticia Varela; o concelleiro de Turismo, Alfredo Cañizo; o propio Jorge Mira e o fotoperiodista Basilio Bello. Tanto Mira como Bello levan anos traballando para investigar as peculiaridades da zona de cara ao fomento do turismo astronómico. Os cabos de Nariga e Santo Hadrián “teñen unha serie de condicións para facer deste lugar un enclave único en materia de astroturismo”, expuxeron ambos, que agradeceron a colaboración do Concello para poñer en marcha o proxecto.

Enclaves como Punta Nariga son, desde hai anos, un destino frecuente para a realización de fotografías nocturnas do ceo debido ás boas condicións da zona. Algunhas das imaxes realizadas na zona, como as de Daniel Llamas, foron premiadas en certames internacionais de astrofotografía.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Inmaculada Rodríguez: “Antes faciamos empresas de parafusos, agora de ciencia e tecnoloxía”

A directora xeral de Unirisco reclama dar o salto da investigación á empresa nas xornadas 'Investir en Ciencia si é rendible’, que organiza xunto a Noso Capital

Galicia lidera o debate sobre a rendibilidade da ciencia da man de Unirisco

Universidades europeas e centros de investigación analizarán en Santiago o impacto das tecnoloxías disruptivas e a importancia de crear ecosistemas emprendedores

A credibilidade na ciencia é menor entre a mocidade que entre o público adulto

Só o 72,6% das persoas de entre 18 e 24 anos cre que as disciplinas científicas buscan a verdade, fronte ao 90,2% da poboación maior de 65 anos

Seis imaxes que cambiaron a historia da ciencia

https://theconversation.com/javascripts/lib/content_tracker_hook.js *Un artigo de O ser humano empregou primeiro o debuxo e...