O investigador Manuel Nappi aposta por unha química máis sostible. Nun contexto de cambio climático e quecemento global, todos os sectores da ciencia e da sociedade deben poñer as súas engrenaxes en marcha para reverter os seus efectos: máis eventos extremos, aumento das temperaturas… E a química non é unha excepción. Nappi, dende o grupo que fundou en 2020 no Centro de Investigación en Química Orgánica e Bioloxía Molecular (CiQUS) da Universidade de Santiago (USC), persegue ese obxectivo: crear reaccións máis sostibles. Para iso utiliza a luz visible, tanto a solar como a procedente dos distintos puntos de iluminación que pode haber ao teu arredor: farois, lámpadas…
Conversamos con Manuel Nappi neste novo episodio do podcast de GCiencia en colaboración co CiQUS, no que afondamos nas grandes fontes de inspiración do investigador: a natureza e o premiado David MacMillan.
Escoita O podcast de GCiencia en todas as nosas plataformas de podcast: Spreaker, Spotify, Ivoox, iHeart, Deezer, Podcast Addict, JioSaavn e Podchaser
