O Centro Singular de Investigación en Química Biolóxica e Materiais Moleculares (CiQUS) da Universidade de Santiago (USC) iniciou a súa andaina en 2011. Máis dunha década despois da súa creación xa é un recoñecido centro de excelencia científica dentro e fóra de Galicia. De feito, recentemente renovou a súa acreditación como centro de investigación e obtivo, unha vez máis, a puntuación máis alta.
“A clave está sempre en facer ciencia do máximo nivel na fronteira do coñecemento”, di director científico do CiQUS, José Luis Mascareñas, no novo episodio de O podcast de GCiencia en colaboración co centro compostelán. Neste capítulo, no que tamén está a directora adxunta do CiQUS, Dolores Pérez, desvelamos os segredos do seu éxito e cales son os futuros pasos deste centro de excelencia a prestixio científico.
Escoita O podcast de GCiencia en todas as nosas plataformas de poscast: Spreaker, Spotify, Ivoox, iHeart, Deezer, Podcast Addict, JioSaavn e Podchaser
