O sábado pola mañá producirase un espectacular fenómeno astronómico. Faltaralle un anaco á circunferencia do sol a causa dunha eclipse parcial. Poderase observar en toda a súa plenitude dende Galicia. Non obstante, haberá lixeiras diferenzas nas súas capitais de provincia, tal e como salienta este mércores o Observatorio Astronómico Nacional. A primeira cidade en observar a eclipse será Pontevedra, dado que o espectáculo comezará ás 10:42 horas. Un minuto despois empezará en Ourense, despois na Coruña e finalmente en Lugo ás 10:45 horas. O máximo da eclipse acadarase entre as 11:38 e as 11: 40. Rematará entre as 12:37 e as 12:39 horas.
Este fenómeno astronómico é o primeiro dos catro que se poderán ver nos próximos anos. Amais deste de 2025, o 12 de agosto de 2026 e o 2 de agosto de 2027 produciranse dúas eclipses solares totais. Finalmente, o 26 de xaneiro de 2028 haberá un anular. Con todo, é importante que para observar estes fenómenos tomes as precaucións axeitadas coa túa vista co obxectivo de non danar a retina. Nunca debes mirar o sol directamente e é aconsellable que uses lentes específicas para a observación de eclipses ou filtros homologados.
A continuación, podes ver como se vai observar en cada unha das capitais de provincia galegas:
