Imaxe inserida: Howard Hedlund e Dave Jurasevich, Las Campanas Obs.
Explicación: os telescopios de todo o mundo están a rastrexar unha supernova brillante que aconteceu nunha poeirenta galaxia achegada. A potente explosión estelar detectouse por primeira vez a comezos deste mes. A galaxia achegada é a fotoxénica Centaurus A, que pode ollarse con prismáticos e coñécese polos impresionantes filamentos de po absorbente da luz que atravesan o seu centro. Cen A amósase aquí nunha imaxe de arquivo do Telescopio Espacial Hubble en alta resolución, cunha imaxe inserida que amosa a supernova tomada desde o chan só dous días tralo descubrimento. A supernova, denominada SN2016adj, saliéntase cunhas marcas no recadro, aparecendo xusto á esquerda duna brillantes estrela en primeiro plano da nosa galaxia Vía Láctea. Actualmente, pénsase que esta supernova é do Tipo IIb, unha supernova desencadeada polo colapso do núcleo estelar, e é do maior interese porque ocorreu tan preto e porque está a observarse ao través dun filamento de po. As observacións actuais e futuras desta supernova poden darnos novas pistas sobre o destino das estrelas masivas e como se formaron algúns elementos atopados na nosa Terra.
