Explicación: a posta da Lúa do 1 de xaneiro capturouse nesta instantánea do mar e o ceo nocturno desde o peirao da cidade de Nova York. Co seu morno luar brillando ao través da brétema e as nubes finas, esta Lúa de Aninovo tiña uns 3 días de idade, nunha fase crecente. O disco lunar que ollamos está alumeado nun 10 por cento. Tamén sinxelo de descubrir nos bretemosos ceos urbanos, Venus refulxe sobre o horizonte occidental, comezando o ano como a estrela verpertina da Terra. Venus, como a Lúa, atravesa un rango de fases desde o punto de vista do noso polaneta. Cando comezou o ano, as vistas telescópicas do disco do brillante planeta interior amosaría máis ou menos o 50 por cento alumeado, medrando a un crecenta maior pero máis delgado a comezos de marzo. A almenara de benvida do porto de Nova York, a Estatua da Liberdade, ancora un recanto terrestre do triángulo da noite na parte esquerda.
