Explicación: será así o noso Sol algún día? A nebulosa Hélice é un dos exemplos máis achegados e brillantes dunha nebulosa planetaria, unha nube de gas creada ao remate da vida dunha estrela de tipo solar. Os gases exteriores da estrela expulsados ao espazo aparecen desde o noso punto de vista coa forma dunha hélice. O núcleo estelar central remanente, destinado a se converter nunha estrela anana branca, brilla cunha radiación tan potente que fai que o gas expulsado previamente emita fluorescencia. Esta nebulosa, que recibe a designación técnica de NGC 7293, atópase a uns 700 anos luz de distancia cara a constelación do Augador (Aquarius) e abarca uns 2,5 anos luz. A imaxe publicada foi tomada co Telescopio Canadá-Francia-Hawaii (CFHT) localizado no cumio dun volcán durmido en Hawaii, EUA. Un primeiro plano do bordo interior da nebulosa Hélice amosa complexo nós de gas de orixe descoñecida.
