Explicación: que é iso en fronte da Lúa? Trátase da Estación Espacial Internacional (EEI). Grazas a unha gran precisión, a plataforma espacial que orbita a Terra foi fotografada por diante dunha Lúa parcialmente alumeada o ano pasado. A fotografía publicada tirouse desde Madrid (España) cun tempo de exposición de só 1/1000 (unha milésima) dun segundo. En contraposición, a duración do tránsito da EEI cruzando a Lúa enteira foi de máis ou menos medio segundo. A estación, coruscante co sol, pode ollarse xusto ao comezo do lado escuro na liña que divide o día e a noite coñecida coma o terminador. Numeroros cráteres circulares son visibles na afastada Lúa, así coma un terreo rugoso, máis claro en comparación, coñecido coma terras altas, e áreas escuras relativamente suaves coñecidas coma maria. As ferramentas en liña poden dicirche cando poderás ollar a Estación Espacial Internacional desde a túa zona.
A Estación Espacial sobre o terminador lunar
