Explicación: por que non é esta formiga unha esfera grande? A nebulosa planetaria Mz3 está a ser liberada por unha estrela semellante ao noso Sol que é, seguramente, redonda. Xa que logo, por que o gas que está a fluír crearía unha nebulosa con forma de formiga que claramente non é redonda? Os indicios incluirían a elevada velocidade de 1.000 quilómetros por segundo do gas expulsado, a lonxitude de anos luz da estrutura mailo magnetismo da estrela que se pode ollar por riba do centro da nebulosa. Unha resposta posible é que Mz3 está agochada por unha segunda estrela máis feble que orbita preto da estrela brillante. Unha hipótese mantén que os propios xiros da estrela central mailo campo magnético están a canalizar o gas. Como a estrela central semella ser similar ao noso Sol, os astrónomos agardan que a mellor comprensión da historia desta xigante formiga espacial poida proporcionar unha comprensión útil para o futuro posible do noso propio Sol e a Terra.
A nebulosa planetaria Mz3: a nebulosa Formiga
