Venres 29 Marzo 2024

Un de cada catro españois non sabe que a Terra xira arredor do Sol

Un 27,5 por cento dos españois non acertan a cualificar de verdadeira ou falsa a afirmación de que o Sol xira arredor da Terra. Dende o seu nivel de coñecemento científico, un 31,5 dos cidadáns cre que os primeiros humanos viviron ao mesmo tempo que os dinosauros. A realidade é que os primeiros homínidos apareceron hai 2,5 millóns de anos (homo habilis) cando os dinosauros se extinguiron hai 66 millóns de anos.
Estes asombrosos resultados aparecen na Enquisa de Percepción Social da Ciencia da Fundación Española para la Ciencia y la Tecnología (FECYT). A sondaxe, realizado sobre 6.355 entrevistas, mellora os datos do último estudo, realizado en 2006. A porcentaxe de acerto pasou do 58,5% ao 70,4% nestes nove anos.
No cuestionario tamén se formula a afirmación ‘O centro da Terra está moi quente’, algo sobre o que acerta o 90 por cento (un 85,4 por cento en 2006). Tamén se di que ‘Os continentes se estiveron a mover ao longo de millóns de anos e continuarán facéndoo”, formulación sobre a que acerta un 87,3 por cento.
Un 83,7 por cento acerta sobre a frase ‘Os seres humanos proveñen de especies animais anteriores’, e os datos tamén son bós coa afirmación: ‘O osíxeno que respiramos no aire provén das plantas’. Acerta o 80,1 por cento dos que participaron na enquisa. Pero boa parte dos cidadáns non entenden a orixe da radiactividade. Dous de cada cinco enquisados cren que toda a radiactividade do planeta é producida polos seres humanos.
Máis da metade dos cidadáns pensa que os antibióticos curan doenzas provocadas tanto por virus como bacterias, cando a realidade é que somentes afectan a estas últimas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural
00:04:28

Comer ovos dispara o noso colesterol?

Grazas aos avances científicos hoxe sabemos que esta relación non é máis que un mito. Iso si, outros factores como os hereditarios, poden forzarnos a reducir o consumo deste alimento

Fósiles atribuídos ao ‘Tyrannosaurus Rex’ son unha especie distinta de dinosauro

Unha nova análise dos restos do que se pensaba que eran xuvenís destes famosos réptiles resultaron ter mandíbulas máis pequenas e pernas e brazos máis grandes
00:04:39

Pode caer un raio dúas veces no mesmo sitio?

Grazas aos pararraios a humanidade non teme hoxe as tormentas e o seu poder destrutivo, pero o lugar onde caen as descargas ten pouco de azar e moito de fondo científico