front_contest2

Estas liñas son paralelas… e gañan un premio á mellor ilusión óptica

A neurocientífica coruñesa Susana Martínez-Conde escolle cada ano dende a Unviersidade de Nova York as mellores ilusións

Unha coruñesa, a neurocientífica Susana Martínez-Conde, é a responsable de certificar a nivel mundial as mellores ilusións ópticas do ano. Directora do Laboratorio de Neurociencia Integrativa na Universidade do Estado de Nova York, esta galega organiza cada ano un concurso que premia as mellores ilusións visuais. Trátase de algo divertido, pero tamén dun obxecto de estudo para os neurocientíficos. E as máis interesantes son premiadas no The Illusion of the Year Contest, organizado por Martínez Conde.

Na foto que abre esta información, as liñas son paralelas. Pero o noso cerebro pensa que están inclinadas. Os contrastes e variantes na luz e a cor, así como os diferentes ángulos dos obxectivos de diamante nas interseccións fan que pensemos que as liñas están reviradas. Pero non é así. Son totalmente parelelas, como podemos ver neste gráfico.

barras paralelas

Esta obra obtivo o segundo posto no premio que organiza Susana Martínez-Conde. A ilusión das liñas paralelas foi presentada por Susana Skye e trátase dunha adaptación sobre un debuxo orixinal de  Richard Gregory, que se inspirou nun antigo debuxo nun café en Bristol Inglaterra.

O primeiro premio foi para este vídeo, no que só podemos ver uns coellos ou unha persoa bailando cando os puntos se poñen en movemento. Están ahí sempre, pero o noso cerebro non pode velos se non barallamos os puntos grises.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.