Galicia acumula máis da metade das zonas de baño con calidade "insuficiente" en todo o territorio estatal. Fonte: Quality of European bathing waters in 2016.

Galicia acumula máis da metade das zonas de baño con calidade "insuficiente" en todo o territorio estatal. Fonte: Quality of European bathing waters in 2016.

Estas son as 40 praias e ríos galegos onde non te deberías bañar este verán

A Axencia Europea do Medio Ambiente advirte de que a auga destas zonas ten unha calidade insuficiente debido á presenza de bacterias fecais

Todos os anos, por estas datas, a Axencia Europea do Medio Ambiente publica o informe sobre a calidade das augas de baño no continente. Se no 2016 Galicia rexistraba 33 puntos negros, onde a calidade da auga era insuficiente para garantir o baño, en 2017 son 23 os lugares que permanecen nesta lista. Non en tanto, estas zonas supoñen só o 4,6 por cento do total. Dos 505 puntos incluídos na lista, o 73,9 por cento obtivo unha cualificación de “excelente“, o 15,4 unha clasificación “boa” e o 6,1 por cento unha clasificación “suficiente”.

Esta redución, con todo, non é necesariamente positiva. Seguindo os criterios da UE e o Ministerio de Sanidade, no censo deste ano elimináronse 18 zonas de baño que nos cinco anos anteriores tiveran unha calidade insuficiente (“pobre”, poor, segundo a tradución literal do informe), tal e como indica o informe técnico elaborado pola Consellería de Sanidade. Así, segundo a normativa, a prohibición do baño neses puntos pasa a ser permanente. Estes lugares poderán volver a ser incluídos no censo no caso de levar a cabo algunha actuación encamiñada a mellorar a calidade da auga.

Por tanto, este ano son 40 as praias e zonas de baño interiores (sobre todo en ríos), nas que o baño non é aconsellable. Existen 41 puntos en total, pero 2 deles atópanse na mesma praia: a de Gandarío, en Bergondo.

Unha parte de Barrañán (Arteixo), con Bandeira Azul, ten unha prohibición de baño “permanente”

A medición da calidade destas augas realízase en base a dous indicadores microbiolóxicos: as bacterias Escherichia coli  e o enterococo intestinal. Unha alta presenza destes organismos adoita relacionarse con vertidos de augas residuais e/ou fecais procedentes da agricultura, a gandería ou un deficiente sistema de saneamento. Numerosos estudos evidencian que bañarse en zonas que superen ditos parámetros pode causar diversas enfermidades dixestivas e, nalgún caso, respiratorias, polo que se desaconsella o baño.

A lista que publica a UE amosa varios paradoxos. É o caso da praia de Barrañán, en Arteixo, que ten Bandeira Azul aínda que existe unha prohibición permanente ao baño nunha das súas zonas. Algo semellante acontece en Razo (Carballo), un extenso areal que conta con varias zonas de baño. Mentres que nun dos puntos de control a calidade da auga é boa, noutro lugar, próximo á desembocadura dun regato, os datos amosan niveis de calidade “insuficiente”. Na praia da Foz, en Vigo, nun estremo do areal de Samil, tamén se desaconsella o baño, aínda que no resto de Samil, dependendo do punto, a calidade é suficiente, boa e mesmo excelente.

Zonas con calidade insuficiente

Praias: A Concha (Cariño), Gandarío 1 e 2 (Bergondo), Delicias (Sada), Arnados-Razo (Carballo), Lires e Estorde (Cee), Virxe do Camiño (Muros), Testal-Taramancos (Noia),Raxó (Poio), Agrelo (Bueu), Sobreira (Moaña), Arealonga (Redondela), A Foz (Vigo).

Zonas de baño no interior: río Tambre, en Niñáns (Brión), río Furelos (Melide), río Eume (As Pontes), río Rois, en Seira (Rois), río Neira (Baralla), río Chamoso (O Corgo), río Parga (Guitiriz), O Coiñedo (A Veiga), río Támega (Verín).

Zonas excluídas do censo

Praias*: Penoural (Burela), Caranza e A Cabaña (Ferrol), Barallobre (Fene), Centroña e Ver (Pontedeume), Regueiro (Bergondo), Santa Cruz Porto (Oleiros), Ría de Barrañán (Arteixo), Camelle e Area da Vila (Camariñas), Sardiñeiro (Fisterra), A Concha (Cee), Peralto (Boiro).

Zonas de baño no interior: río Saa (Pobra de Brollón), San Clodio (Ribas de Sil), A Bola (zona recreativa do Río Orille) e río Arzoá (Vilardevós).

*En 2018 sumarase a praia de Testal, en Noia, que esta tempada cumpriu cinco anos consecutivos con calidade insuficiente.

 

15 respostas a “Estas son as 40 praias e ríos galegos onde non te deberías bañar este verán”

  1. Belen

    Lo que es lamentable es que ,(segun dicen algunas personas),no estén señalizadas todas las zonas contaminadas,primero,-y segundo,que el Gobierno no tome medidas para solucionar el problema,saneando las aguas.

  2. Pily Dopazo

    E a praia de Placeres (Pontevedra), onde hai un asteleiro na mesma praia, a depuradora de todo o concello de Pontevedra e ENCE, califícana apta para o baño???

  3. Mercedes

    Na praia do Testal en Noia creo que se marisquea… igual estou confundida… pero despois de leer o artigo gustariame que alguen me sacase da dubida.

  4. José Ricardo

    En playa de Aguieira..descarga aguas fecales en el río donde se bañan los niños,yo en persona lo denuncie al Seprona y nadie le pone ni un cartel del peligro que corren los chavales,está playa está en Porto do son,al Seprona le mandé fotos del vertido,LAMENTABLEMENTE

  5. Alvarez

    Que vergüenza ponen como no apta la de Gandario y en cambio abren el albergue julio y agosto a niños que están continuamente con deportes acuáticos. No lo entiendo

  6. David

    La playa de SAMIL (Vigo) . ya que nombrais a foz… porque esquivais samil? si están juntas y de echo la que tiene selañales no recomendado bañarse es samil.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.