Obxectivo: deter o alzhéimer

Sara Varela Gondelle
Miguel Grandío López
Facultade de Ciencias Sociais e da Comunicación da Universidade de Vigo

 

O alzhéimer é unha enfermidade de natureza dexenerativa e evolución progresiva, que se caracteriza clinicamente polo deterioro das células cerebrais. É o tipo de demencia máis común, representando ata o 70% dos casos. Esta doenza converteuse nun dos grandes problemas de saúde no mundo. Só en España hai 800.000 persoas con alzhéimer, o que repercute na vida diaria de 6 millóns de persoas, entre familiares e coidadores. Prevese que, co aumento da esperanza de vida, no 2050 a cifra se duplique, xa que a idade é un dos principais factores de risco. Todo isto, xunto coa falta de información que aínda hoxe hai sobre todo o que rodea esta enfermidade, fai que a ciencia se teña que enfrontar a un problema de grandesdimensións.
Dende o grupo de investigación TeamNanoTech, da Universidade de Vigo, proponse un sistema a través do cal detectar o alzhéimer de forma rápida e cun baixo custo económico. Isto permitiría unha diagnose previa á manifestación dos síntomas, implicando unha mellora na calidade de vida dos enfermos e das súas familias, e unha grande axuda no traballo dos profesionais do sector. Este método preventivo levaríase a cabo a través dunha nova xeración de sensores a escala nano capaces de identificar a enfermidade a través dunha simple análise de sangue.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo de Santiago publica un estudo pioneiro para tratar unha complicación da enfermidade de Crohn

O ensaio clínico realizado polo IDIS e o CHUS avalía un innovador fármaco oral que amosa resultados preliminares positivos

Investigadores analizan macroalgas verdes mariñas para impulsar a súa valorización en Galicia

Un equipo da UVigo estuda os polisacáridos do xénero Codium da costa galega como fonte de novos ingredientes funcionais

O científico Antonio Salas, premio da Crítica de Galicia

O catedrático da USC recibiu o galardón na modalidade de investigación en ciencias e tecnoloxía