Cartel da nova edición das Regueifas de Ciencia.

Cartel da nova edición das Regueifas de Ciencia.

As Regueifas de Ciencia regresan cun debate sobre o papel da industria alimentaria

A Facultade de Comunicación acollerá o encontro o martes 28 ás 20 horas

As Regueifas de Ciencia, unha iniciativa que se iniciou con gran éxito no 2016, xa teñen nova data. Este foro de debate, impulsado por investigadores, profesores e alumnos da USC e financiada pola FECYT (Fundación Española de Ciencia y Tecnología)  celebrará o vindeiro día 28 de marzo a súa primeira edición neste 2017. Será cun debate que xirará en torno á pregunta: “Promove a industria alimentaria unha alimentación sá?“.

A Regueifa, que terá lugar na Facultade de Comunicación da USC ás 20 horas do día 28. Por unha banda, como críticos ante o labor da industria alimentaria, estarán Rosaura Leis, profesora da USC, pediatra e coordinadora da Unidad de Nutrición Pediátrica do Chus, e a José Manuel López Nicolás, profesor de Bioquímica da Universidade de Murcia, director da unidade de divulgación científica da mesma universidade, autor do blog Scientia e do libro “Vamos a comprar mentiras.

Fronte a eles, defendendo o papel das empresas e organismos de alimentación, estarán Enrico Frabetti, director de Política Alimentaria, Nutrición e Saúde da Federación Española de Industrias de la Alimentación y Bebidas (FIAB), e Rafael Urrialde de Andrés, director de Saúde e Nutrición de Coca-Cola Iberia.

Entrada libre

A entrada ás Regueifas de Ciencia, que se retransmitirá tamén por internet, é de libre acceso ata completar aforo. O público asistente poderá manifestar tamén a súa opinión sobre o debate, realizando unha votación electrónica ao comezo e ao final do acto. Deste xeito, analizarase se houbo cambios de posición para ver cal das dúas posicións dos poñentes resultou máis convincente.

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.