“Os animais tamén sentimos”

Non collía a xente en Xinzo para ver e axudar a Marcos Rodríguez Pantoja. A campaña impulsada por Amigos das Árbores da Limia acadou xa alcance estatal. Hai aberto un número de conta (pódese ver ao final do texto) para que Marcos poida ter unha caldeira para quentar a súa casa, e para reformar a vivenda, que precisa unha mellora para convertela nun lugar máis habitable. Onte, aínda pouco consciente da repercusión da iniciativa, agradeceu varias veces a axuda á xente que acudiu a velo.

Colgado do pescozo, coma sempre, levaba o cairo que lle regalou o cabreiro co que viviu antes de que este morrera e Marcos quedara só no medio da natureza, tal e como amosa a película Entrelobos que se proxectou durante o acto. Poucas veces é tan fina a liña entre realidade e ficción.

Publicidade

Despois do filme, a Marcos preguntáronlle. “Pero non pensaches en deixar o monte e volver coa xente?”. “Non quería saír de alí porque lle tiña medo aos humanos… A miña madrastra pegábame, facíame durmir fóra mentres chovía… E eu cos animais estaba na gloria; menos cos xabarís, con eses non, que eses non teñen amigo ningún”.

No medio da súa abraiante historia, o humor non deixa de agromar. É necesario para superar a vida que lle tocou pasar. Contou como en Mallorca lle fixeron vender droga pensando que era medicina para a dor do estómago, ou como en Madrid lle tiveron que poñer unhas táboas nas costas para enderezarlle o corpo e aprender de novo a camiñar a dúas patas.

Publicidade

Con todo, Marcos Rodríguez goza contando a súa historia, e tamén aproveita para defender a quen foi a súa mellor familia. Antes do pase da película, tivo tempo para facer un chamamento. “Os que teñan animais, por favor, que os traten ben, porque os animais tamén sentimos”, dixo. En primeira persoa, do mesmo xeito que fala cando lembra a compañía da manda de lobos cos que viviu máis de 11 anos.

Número de conta: ES 49 0081 2172 2400 0105 2706

1 comentario

  1. Impresionante a súa historia. Preciosa e valiosísima para a humanidade que ten moito que aprender das bestas. Con toda a admiración hacia estas últimas.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Do éxito da eclipse aos destinos Starlight: Galicia consolídase como punto de referencia do astroturismo

A comunidade galega conta con nove puntos recoñecidos pola calidade dos seus ceos e as propostas de observación dos mesmos

Unha curtametraxe sobre os tesouros agochados baixo o mar da Mariña-Ortegal conquista Donosti

O biólogo focense Carlos Gil dá a coñecer a biodiversidade dos fondos galegos cun galardón no Ciclo Internacional de Cine Submarino de San Sebastián

Científicos galegos achan as claves que determinan o éxito da inmunoterapia no cancro de pulmón

Un equipo do IIS Galicia Sur desenvolve un modelo preditivo que permitirá avanzar cara a unha medicina máis personalizada e tratamentos máis efectivos

TikTok e as súas malas prácticas: normalizamos xa os riscos e as alertas sobre a rede social?

Crece a preocupación pola distribución de contido de abuso sexual infantil na plataforma. Por Jose Antonio Cortés Quesada e Arantxa Vizcaíno Verdú