O fermoso vídeo desde a Estación Espacial con imaxes de Galicia

Un timelapse recolle as gravacións realizadas por astronautas da ISS nas que se retratan numerosas partes do mundo

O realizador Bruce Wayne Berry publicou na plataforma Vimeo un timelapse de seis minutos a partir de imaxes tomadas desde a Estación Espacial Internacional (ISS). A partir do novo material que se fixo público nos últimos meses, desenvolveu un vídeo de seis minutos en 4K, con imaxes tomadas polos astronautas a bordo da plataforma espacial.

Despois dun longo proceso de edición, o resultado é unha abraiante viaxe espacial na que Galicia ten tamén o seu oco (a partir do minuto 3:02). Imaxes que foron posiblemente tomadas durante algúns dos habituais pasos da ISS sobre o noroeste da península Ibérica, que pode verse tamén en varias ocasións.

A Estación Espacial orbita a unha altitude que oscila entre os 330 e os 435 quilómetros de altura, a unha velocidade de case 28.000 quilómetros por hora e completa, por tanto, unhas 15 órbitas ao día arredor da Terra.

Entre outros lugares, o vídeo retrata, tanto de día como de noite, lugares como Perú, Canadá, o delta do Nilo, Turquía, Dubai, Bahamas e o golfo de México, e fenómenos abraiantes como as auroras boreais e austrais.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.