Un meteorito brillante estalou nunha bóla de lume sobre a paisaxe o pasado xoves, sendo visible dende varias cidades de Rusia. E unha vez máis, ninguén o viu vir ata que explotou.
Os rexistros da bóla de lume da NASA amosan que o meteoro explotou con 2,8 quilotóns de forza o 21 de xuño ás 01:16 UTC en varias cidades rusas, incluída Lipetsk, ao sueste de Moscova.
O tamaño da explosión está correlacionada cun asteroide pequeno duns 4 metros de diámetro, que é cinco veces menor co asteroide de 20 metros que explotou en febreiro de 2013 sobre Chelyabinsk, Rusia .
“O evento foi reportado por testemuñas das cidades de Kursk, Lipetsk, Voronzeh e Orel. Moitos deles informaron un forte estampido sónico”, segundo informou a Organización Internacional de Meteoros.
Aínda que non sabemos se algún dos fragmentos alcanzou a superficie da Terra, si sabemos que a intensa explosión causada pola fricción no aire probablemente desintegró a maior parte da rocha antes de que tivese a oportunidade de aterrar.
Pero, como adoita acontecer, o asteroide non se detectou ata que golpeou a nosa atmosfera, o que amosa que temos un longo camiño por percorrer para detectar facilmente intrusos desde o espazo. Afortunadamente, a NASA está a tratar de mellorar para detectar asteroides potencialmente problemáticos, así que esperemos que sexamos advertidos especialmente se chegase un de gran tamaño.
Se non nos toca a lotaría cósmica igual sobrevivimos… Por certo, tamén aquí o PP deixou a súa pegada, impedindo o traballo de prevención https://elpais.com/elpais/2016/12/01/ciencia/1480582271_486987.html