Venres 29 Marzo 2024

Un dispositivo para monitorizar marcadores de calidade ambiental, premio ao mellor traballo de fin de grao na UDC

Pablo Mariño recibiu o primeiro galardón e Gabriel Fernández e Rubén Somoza dous accésit polos seus estudos, todos eles dirixidos por investigadores do CITIC

Pablo Mariño Boga obtivo o premio ao Mellor Traballo de Fin de Grao (TFG) ) Aplicado do Grao en Enxeñaría Informática. O acto de entrega do recoñecemento tivo lugar este mediodía na Facultade de Informática da Universidade da Coruña. O de Mariño Boga foi un dos tres traballos seleccionados entre os 14 presentados que obtiveron a cualificación de matrícula de honra no curso 2021-2022. De feito, tamén se entregaron dous accésit a Gabriel Fernández Blanco e Rubén Somoza Domínguez polos seus TFG. 

O CITIC, xunto coa Fundación Universidade da Coruña, colabora nestes premios, que contan ademais co patrocinio das cátedras institucionais Aldaba WIB (Women, ICT & Business), NTTdata e SNGULAR. 

Publicidade

Posicionamento, validación de títulos e calidade ambiental

 O ”Desenvolvemento dun dispositivo para a monitorización de marcadores de calidade ambiental” é o título do traballo de Pablo Mariño, dirixido polo investigador do CITIC José Juan Lamas Seco, que obtivo o primeiro premio dotado con 1500 €. A idea deste proxecto xorde do interese por dispor de métodos de medición da calidade ambiental que inclúan valores de calidade do aire, contaminación acústica e luminosa. Trátase dunha solución enfocada a contornas urbanas, que se basea nun dispositivo de medida que se conecta a un equipo cliente. Este último procesa, mostra e almacena os datos. Debido a estas características, o desenvolvemento do proxecto divídese en dúas partes ben diferenciadas: O desenvolvemento dun prototipo de medida baseado en microcontroladores, e o desenvolvemento do software do equipo cliente. 

O dispositivo pódese utilizar para detectar resultados anómalos en tempo real de diferentes marcadores ambientais sendo unha axuda para entender os perigos para a saúde que poden representar. 

Pola súa banda, Gabriel Fernández Blanco recibiu un accésit, cunha dotación de 500€, polo seu traballo Sistema de validación de títulos académicos basado en tecnologías Blockchain, dirixido polo investigador do CITIC Tiago M. Fernández Caramés. No seu traballo, Gabriel Fernández ofrece unha solución á falsificación dos títulos académicos universitarios aplicando de forma 

integral as tecnoloxías descentralizadas e de rexistro distribuído. Grazas á seguridade e á privacidade que proporcionan redes blockchain como Ethereum, os expedientes vólvense resistentes a falsificacións ou a modificacións fraudulentas, pois calquera cambio se valida por todos os nodos da rede e rexístrase de forma permanente. 

Por último, Rubén Somoza Domínguez, autor do TFG “Sistema de posicionamento de teléfonos Android a través das propiedades físicas do son”, dirixido polo investigador do CITIC Carlos Vázquez Regueiro, recibiu tamén un accésit de 500 €. A través do seu traballo, Rubén Somoza logrou desenvolver un sistema de baixo custo e fácil de configurar capaz de calcular a posición dun smartphone con respecto a un conxunto de altofalantes con alta precisión e por períodos de tempo medio-longos (preto dun minuto). A precisión do sistema depende da contorna, máis especificamente dos obxectos e superficies próximas aos altofalantes que afectan a propagación do son. 

Para Rubén Somoza o proxecto ten múltiples aplicacións potenciais, desde contornas de entretemento até contornas industriais e médicos, e o seu uso exclusivo do son como medio para lograr o posicionamento faino unha opción económica, atractiva e empregable en multitude de situacións. 

Feira de prácticas de emprego

A entrega dos premios coincidiu coa celebración da Feira de Prácticas e Emprego que se celebra na Facultade de Informática e na que 22 empresas do sector TIC, que imparten charlas e obradoiros orientados á inserción laboral do alumnado. 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O catedrático da UDC García Mira leva os seus estudos en psicoloxía ambiental ata Filipinas

A Universidade de Santo Tomás organizou unha conferencia sobre o papel da ciencia psicolóxica para abordar o impacto do cambio climático

Un equipo da UDC aposta pola tecnoloxía dos videoxogos para mellorar a simulación industrial

Os investigadores Javier Pernas e Diego Crespo, da Área de Organización Industrial do Grupo Integrado de Enxeñaría do CITENI, publican no 'Journal of Simulation' o seu último avance

Pódcast | Reloxos intelixentes e medicina do sono: así nos axuda a tecnoloxía a vivir mellor

Os investigadores do CITIC Diego Álvarez e Patricia Concheiro analizan no sétimo episodio de O Descodificador as aplicacións biomédicas da IA

Aumenta a matriculación feminina en Enxeñaría Informática na UDC e na UVigo

Na universidade coruñesa as rapazas xa representan un 18% das incorporacións, mentres que na viguesa acadan o 19%