A USC lidera o ránking estatal das mellores universidades en Enxeñaría Ambiental

A clasificación elaborada por Research.com sitúa a institución compostelá no chanzo 112 do mundo e a Gumersindo Feijoo como primeiro na contorna estatal

Research.com acaba de situar a Universidade de Santiago de Compostela (USC) como a primeira universidade española no eido da Enxeñaría Ambiental. Esta clasificación elaborada a partir dos datos extraídos, ata o 6 de decembro de 2021, da base de datos bibliométrica Microsoft Academic Graph, sitúa a institución compostelá no chanzo 112 do mundo, alén de distinguir a trece dos seus investigadores logo da análise de 166.880 perfiles académicos, dos cales 9.206 pertencen ao ámbito da enxeñaría ambiental. Para a elaboración deste ránking analizouse o persoal científico de máis de 1.315 filiacións.

O profesor Gumersindo Feijoo Costa ocupa o primeiro posto na contorna estatal e o chanzo 676 a nivel internacional. A Feijoo séguenlle Sara González-García, Maria Teresa Moreira, Marta Carballa, Francisco Omil, Anuska Mosquera-Corral, Almudena Hospido, Alejo Carballeira, Felipe Macías, J.A. Fernández, Jesús R. Aboal, Xosé Luis Otero e Agustín Merino.

Publicidade

A posición neste ránking parte do estudo do persoal científico cun índice h de polo menos 30 por disciplina. O índice h constitúe unha medida indicativa que reflicte a cantidade de publicacións influentes escritas polo persoal investigador. O índice h de disciplina (índice D) calcúlase considerando só as publicacións e os seus valores de citación que pertencen a unha disciplina examinada.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Reparar en vez de desbotar: un dereito e un chanzo clave na economía circular

Prevese que a xeración de residuos a nivel mundial aumente notablemente e pase a 350 quilos anuais per cápita en 2050

Tres mestrados da UDC e USC acadan a mención de excelencia da Xunta

A Consellería de Educación, Universidade e FP recoñece os títulos de Bioloxía Molecular, Celular e Xenética, e os de Enxeñaría Informática e Ambiental

Así produce a USC miles de litros de xel fronte ao coronavirus

Un vídeo amosa o traballo nas instalacións da Escola Técnica Superior de Enxeñaría para poñer a disposición da Sanidade miles de litros do produto

A USC abre a porta ás microdoazóns para financiar os seus servizos e investigacións

O programa "Sumo valor" pretende acadar máis recursos para mellorar os servizos cara ao estudantado e a sociedade