Un equipo da USC investiga métodos de control das biotoxinas

O grupo de investigación Farmatox participa xunto con outras entidades europeas no programa de formación de doutores

O grupo de investigación Farmatox da USC, coordinado polo catedrático da área de Farmacoloxía na Facultade de Veterinaria do Campus Terra, Luis Miguel Botana, pescuda no mecanismo que provoca a toxicidade das biotoxinas ao abeiro do proxecto BIOTOXDoc, un programa internacional incluído na estratexia Horizonte Europea, no que participan máis dunha ducia de entidades europeas.

O obxectivo xeral de BIOTOXDoc pasa por formar doutores e especializalos nunha ampla gama de habilidades e competencias complementarias, pero que se antollan necesarias para que a ciencia avance no control das biotoxinas, aproveitando un equipo multidisciplinar e multisectorial de expertos de talla mundial. A liña de traballo que desenvolverá o grupo Farmatox da USC neste proxecto centrarase no estudo do mecanismo que produce a toxicidade das toxinas, segundo indica Luis M. Botana, que ve neste proxecto de I+D unha oportunidade para avanzar no ámbito da seguridade alimentaria a nivel mundial.

Publicidade

A problemática derivada das biotoxinas e, especialmente a relacionada coas toxinas maxiñas, é crecente e require de solucións urxentes, sinala Botana, quen, ademais de salientar a falta de investigadores especialistas en seguridade alimentaria, tamén cuestiona a eficacia e a precisión das diferentes normativas vixentes para garantir a produción e o subministro de alimentos seguros no mundo nun contexto de cambio climático.

Os investigadores de doutoramento seleccionados para tomar parte no proxecto BIOTOXDoc desenvolverán novas estratexias de desintoxicación de biotoxinas e avaliarán a toxicidade combinada de biotoxinas coexistentes, ao tempo que realizarán probas rápidas e de confirmación de biotoxinas. Os diferentes traballos de experimentación e as pescudas desenvolvidas no marco deste proxecto buscan colmar as lagoas máis importantes do coñecemento actual neste ámbito científico.

Publicidade

O principal vínculo entre os diferentes investigadores de doutoramento que se incorporen a este proxecto internacional é que, a expensas dos enfoques e dos segmentos da cadea alimentaria humana e animal, todos abordarán a influencia do cambio climático na aparición de biotoxinas e a consecuente demanda de estratexias revisadas para mitigar o seu impacto na poboación europea.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un estudo galego investiga as algas mariñas como alternativa aos antibióticos en coellos

A investigación de Sabela Al-Soufi Novo no Campus Terra da USC avalía con resultados prometedores o uso destes organismos na mellora da saúde intestinal dos mamíferos

Este cranio de quen é? Como identificar restos humanos con imaxes de antes e despois da morte

Un investigador do CITIC desenvolve un sistema que axudará a mellorar a metodoloxía da superposición craniofacial

Todo caduca: o investigador que recrea obras de arte para estudar como envellecen

Un experto en ciencia de materiais colabora co CGAC para avaliar a calidade e durabilidade dos materiais que se empregan no patrimonio artístico do centro galego

Unha tese da USC propón o uso de bagazo de Albariño para o penso e microalgas para facer filloas

O investigador Aly Jesús Castillo estuda o emprego de novos alimentos ou materias primas para dar resposta ás actuais demandas do sector agroalimentario