A radioterapia de protóns aterrará en Galicia proximamente. Na actualidade, a protonterapia consolídase como un dos tratamentos máis eficaces na loita contra varios tipos de cancro. Baséase nun disparo que vai dirixido ao corazón do tumor, algo revolucionario para a ciencia. Aínda que se comezou a experimentar con ela nos anos 50 en EE.UU., Galicia non ofrece esta terapia na sanidade pública. Farao a partir de 2025, á vez que nove centros máis en España. A nivel internacional xa se trata a doentes con protonterapia, en España, de feito, en dous centros privados. Pero ben é certo que non en todos estes lugares se investiga, e aquí radica o principal valor do que se poñerá en marcha na comunidade galega.
O Centro de Protonterapia de Galicia será un referente europeo. Asentarase en Compostela e contará cunha área destinada exclusivamente á investigación, ademais da propia para tratar aos pacientes. Neste quinto episodio do pódcast Investigar na USC falamos con dous expertos na materia, Faustino Gómez e Pablo Aguiar da USC, que nos explicarán todos os detalles desta terapia e os preparativos que se están a realizar para a chegada desta nova tecnoloxía que, esperemos, cubra a demanda que existe e cure a moitas persoas en Galicia.
Escoita Investigar na USC en: Spreaker, Spotify, Ivoox, iHeart, Google Podcasts, Deezer, Podcast Addict, JioSaavn e Podchaser.
