A lista ‘Greenmetric‘, clasificación anual que avalía o compromiso de universidades de todo o mundo coa sustentabilidade do medio ambiente, sitúa á Universidade da Coruña entre as 100 máis destacadas do mundo, segundo os datos de 2017, que acaba de facer públicos. A sitúa á institución coruñesa no posto 87, e por diante das outras dúas galegas: a UVigo aparece no posto 118 e a USC, no 283, dentro dun total de 619 institucións de 76 países. Así, a UDC sobe desde o posto 149 e a UVigo desde 0 321, mentras que a USC cae desde 0 234.
A Universidade da Coruña obtivo en total 5.782 puntos. Estas valoracións organízase en seis categorías: enerxía e cambio climático (21% da nota final), xestión de residuos (18%), transporte (18%), educación (18%), configuración e infraestrutura (15%) e uso da auga (10%). A UDC destacou especialmente no apartado da xestión de residuos, con 1.551 puntos. Pola súa banda, a UVigo obtivo unha alta valoración no eido do transporte (1.112 puntos).
A lista ‘Greenmetric’, impulsada pola universidade de Indonesia, selecciona os criterios que xeralmente están considerados como de importancia para as universidades no ámbito do medio ambiente. Así, inclúen información relativa ao tamaño da institución, zona de influencia e emprazamento, para deste xeito ter unha referencia do grao de espazos verdes asociados ás instalacións universitarias.
