Barrié convoca 16 bolsas de posgrao no extranxeiro

A Fundación Barrié oferta 10 bolsas para estudos de Mestrado en centros de todo o mundo e seis bolsas de Doutoramento e Postdoutoramento en Estados Unidos

A Fundación Barrié convoca a 33.ª edición do Programa de Bolsas de Posgrao para a ampliación de estudos no estranxeiro co obxectivo de facilitar o acceso ao coñecemento das mellores técnicas, métodos e procedementos a nivel internacional. 

Esta nova convocatoria, cuxo prazo remata o 14 de febreiro, introduce por primeira vez a posibilidade de realizar programas de doutoramento e postdoutoramento na LSU Health Shreveport, Estados Unidos. Esta novidade busca fomentar os vínculos profesionais, académicos e sociais de persoas tituladas vinculadas a Galicia co continente americano. 

Publicidade

A fundación galega puxo en marcha este programa no ano 1990, cunha inversión acumulada de máis de 44 millóns de euros, da cal se beneficiaron ata o momento 710 galegos/as. 

Estudos de Mestrado

A convocatoria ten por obxectivo a concesión dun total de 10 bolsas para a realización de estudos de Mestrado en todas as áreas de coñecemento durante o curso académico 2022-2023 en institucións extranxeiras de referencia internacional. Estas bolsas están dirixidas a titulados/as universitarios/as con nacionalidade española e vinculados/as a Galicia. A dotación económica da bolsa será dun máximo de 50.000 euros anuais. Podes acceder ás bases completas e ao formulario de solicitude na seguinte ligazón.

Programa de Doutoramento en Estados Unidos

A convocatoria ten prevista a concesión de catro bolsas para a realización dalgún dos seguintes programas de doutoramento ofrecidos pola LSU Health Shreveport: Bioquímica e Bioloxía Molecular; Microbioloxía e Inmunoloxía; Fisioloxía Celular e Molecular; Anatomía e Bioloxía Celular; e Farmacoloxía; Toxicoloxía e Neurociencia. 

Estas bolsas están dirixidas a titulados/as universitarios/as galegos/as na área de Ciencias da Vida. Para participar no programa non será necesario dispor dun título de Mestrado. Poden optar a estas bolsas tamén o estudantado do último curso de grao. A dotación económica da bolsa inclúe un salario anual base de 26.000 dólares, así como unha asignación anual de 6.000 euros para gastos de manutención e seguro médico.

A duración da bolsa será, como máximo, de cinco anos. As persoas seleccionadas poderán comezar o programa de doutoramento en agosto de 2022. Podes acceder as bases completas e formularios de solicitude na seguinte ligazón.

Programa de Postdoutoramento en Estados Unidos

A convocatoria, dirixida a persoal investigador na área de Ciencias da Vida, ten prevista  a concesión de dúas bolsas para desenvolver investigación avanzada no LSU Health Shreveport. Entre as principais áreas de investigación inclúense: Microbioloxía e Inmunoloxía; Cardioloxía; Cáncer; e Farmacoloxía.  

A dotación económica da bolsa inclúe un salario anual base de 52.000 dólares, así como unha asignación anual de 12.000 euros para gastos de manutención e seguro médico. A duración da bolsa será, como máximo, de catro anos. 

As persoas seleccionadas poderán comenzar o programa de postdoutoramento na LSU Health Shreveport entre abril e setembro de 2022. Podes acceder as bases completas e formularios de solicitude na seguinte ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un novo programa de bolsas para traballar nas ‘start-ups’ máis punteiras de EEUU

A Fundación Barrié e a asociación The Exponential Fellowship presentan a primeira edición dunha iniciativa dirixida a titulados universitarios de disciplinas técnicas

Descubrir o galego mentres xogas: esta é a nova aplicación para mellorar o teu léxico

A ferramenta da RAG e da Fundación Barrié pretende axudar a fixar palabras, dándolles aos falantes máis seguridade e naturalidade

‘Comadre’, elixida Palabra Galega do Ano 2022

A gañadora conseguiu máis do dobre de votos que 'candorca', a segunda clasificada, con 'ecocidio' en terceiro posto

‘Candorca’, ‘ecocidio’, ‘comadre’, ‘inflación’, ‘autoestima’ e ‘resiliencia’ optan a Palabra do Ano

A votación temática promovida pola Real Academia Galega e a Fundación Barrié permanecerá aberta ata o 25 de decembro