Os produtos de limpeza poden matar o coronavirus: así se deben usar

Lena Ciric/The Conversation

A enfermidade Covid-19 só existe dende hai uns meses, polo que neste momento os científicos non teñen toda a información sobre ela, pero aprenden máis todos os días.

Publicidade

Agora sabemos, por exemplo, que o coronavirus SARS-Cov-2 pode vivir en superficies durante ata nove días e sobrevivir no aire durante algunhas horas . Tamén sabemos que as partículas de virus se espallan a través da saliva e os fluídos que saen dos pulmóns. É por iso doado para unha persoa infectada propagar as partículas do virus ao toser, tocar a outras persoas ou deixar o virus sobre calquera superficie.

Sen dúbida, lavar as mans despois de estar en espazos públicos é clave para reducir a propagación do coronavirus. Pero, que deberiamos estar a facer nos nosos fogares para eliminalo?

Dous estudos recentes investigaron canto tempo sobreviven os coronavirus en diferentes superficies. A investigación analizou varios virus diferentes, incluído o SARS-CoV-2. E descubriu que os tempos de supervivencia variaban segundo o tipo de superficie. O virus sobreviviu por máis tempo en aceiro inoxidable e plástico, ata por nove días . Os tivo tempos de supervivencia máis curtos dun día para papel e cartón.

Ollo ao contacto indirecto: canto tempo aguanta o virus en distintos materiais?

A cantidade de partículas de virus vaise reducindo co tempo, pero é preocupante que poidan durar días en lugar de horas ou minutos nunha superficie. Daquela, que tan bos son os produtos de limpeza para matar o SARS-Cov-2? Hai algunhas boas novas na listaxe que ofrecemos a continuación:

Xabón e auga

O xabón e a auga son a túa primeira liña de defensa: non matarán ao virus, pero van conseguir eliminalo das superficies. O deterxente do xabón despegará o virus das superficies para que logo poida esvarar coa auga. Deste xeito, estás a eliminar o virus, pero non o estás a matar. Pero, ao eliminar a capa de graxa sperficial da túa pel, os coronavirus caen con ela polo sumidoiro. Sempre debes lavar as mans cando veñas de facer a compra dun supermercado.

Lixivia

O ingrediente activo na lixivia, o hipoclorito de sodio, é moi efectivo para matar o virus. Asegúrate de deixar que a lixivia funcione durante 10-15 minutos sobre a superficie e logo limpa cun pano. A lixivia funciona porque destrúe a proteína e o que se coñece como o ácido ribonucleico (ARN) do virus: esta é a substancia que proporciona o plan para producir máis partículas de virus cando se infecta. Asegúrese de usar a lixivia nas concentracións que se indican na botella.

Alcol

Demostrouse que o etanol mata os coronavirus en tan só 30 segundos. Como a lixivia, o alcol destrúe a proteína e o ARN do que está composto o virus. Hai que humedecer un pano cun pouco de alcol e fregar sobre a superficie. Como se vai evaporar, non necesitarás limpalo.

Toalliñas antisépticas

O ingrediente activo das toalliñas é un antiséptico, xeralmente cloruro de benzalconio. As toalliñas funcionan eliminando fisicamente os xermes a través da presión que se aplica cando se usan. Tamén deixan unha capa de antiséptico na superficie que funciona para matar os xermes. O antiséptico funciona ben tanto en bacterias como en coronavirus, alterando as graxas nas células patóxenas. O problema é que o SARS- CoV-2 non contén moitas graxas. Ata o de agora, non hai evidencia de que estes antisépticos poidan matar os coronavirus humanos.

Desinfectantes de mans

Unha advertencia sobre os desinfectantes para mans: o ingrediente principal que matará ao SARS-CoV-2 é o etanol. Pero a concentración deste alcol no desinfectante é moi importante: ten que ser superior ao 70 por cento ou non matará ao virus de maneira efectiva.

Pero, ademais dos propios produtos de limpeza, algo que podemos facer é ventilar os espazos nos que pasamos tempo regularmente. Unha persoa infectada producirá miles de pequenas pingas que conteñen o virus cada vez que tose. O SARS-CoV-2 pode sobrevivir no aire ata por tres horas . Entón, ao abrir a xanela, podemos eliminar e dispersar as pingas e reducir a cantidade de virus no aire, o que reducirá o risco de infección para outros.

Estamos a vivir en tempos incertos, pero é tranquilizador saber que temos algunhas armas que podemos usar para combater COVID-19 nos nosos fogares.

Como resumo final: segue a lavar as mans, usa desinfectante para mans ao 70 por cento, limpa con lixivia as superficies da túa casa e abre unha xanela para deixar entrar o aire primaveral.

Lena Ciric é profesora asociada de enxeñería ambiental da UCL (London Global University). Aquí podes ler o artigo orixinal en inglés en The Conversation

Lavamos mal as mans: así se controlan os microbios