Son días para lembrar aos que xa non están. Galicia ten unha relación particular coa morte. Os velorios son actos sociais nunha sociedade avellentada, e que estes días tamén se achega aos camposantos en masa. Pero cales son os concellos galegos con maior taxa de mortalidade? A marcha da poboación nova das zonas rurais e o aumento da esperanza de vida ofrece cifras moi elevadas en decenas de concellos, case todos das provincias de Lugo e Ourense. Arredor de 70 municipios teñen taxas por riba do 20‰. É dicir, cada ano, por cada 1.000 veciños, morren máis de 20 persoas. Así o subliñan os datos do Instituto Galego de Estatística referentes a 2016.
Nos casos dos concellos máis avellentados e pequenos, como San Xoán de Río, Larouco, O Incio ou Vilamartín de Valdeorras, a taxa supera o 30‰. Pode verse con máis detalle neste mapa:
Na outra banda están os municipios que teñen unha taxa bruta de mortalidade por debaixo do 10 por mil. É dicir, por cada 1.000 habitantes que residen no concello, hai menos de 10 mortes cada ano. Son lugares con pirámides de poboación máis novas, con maior poboación e actividade económica, e situados, case todos, no Eixo Atlántico, arredor das cidades de Vigo, Santiago de Compostela e A Coruña. Hai, con todo, dúas excepcións: Vilariño de Conso e A Gudiña; lugares nos que xa vive tan pouca xente, que pouca xente morre:
Europa nacimiento
no concello.de coristanco..ano.1952..