A primeira imaxe dun buraco negro é un fito científico que tivo repercusión mundial. E a mellor proba disto no planeta Terra é que a foto se ten convertido nun fenómeno en redes sociais, espertando a imaxinación e o humor dos terrícolas. Por primeira vez, os humanos podemos ver este coloso supermasivo, co seu horizonte de sucesos. O que, para moitos, foi a mellor oportunidade para amolar a súa imaxinación e convertila en memes.
Houbo quen quixo comparar o buraco negro de M87 cunha cociña de vitrocerámica e tamén quen non puido evitar a comparación co famoso ‘ollo de Sauron‘, maligno protagonista da novela ‘O señor dos aneis’, de Tolkien.
Para moitos, a imaxe conseguida polo consorcio Event Horizon Telescope tiña máis que ver coa alimentación. E o donut ou a rosquilla foron os protagonistas de moitos memes, algúns deles relacionados con personaxes tan populares como Homer Simpson.
E, como non podía ser menos nas redes sociais, non podía faltar o gato…
Aínda que a nosa favorita está relacionada coa economía… e cos cartos que levamos na carteira…
E aquí podes ler a nosa reportaxe sobre as dimensións do buraco negro M87:
