A estas alturas, todos vimos a histórica foto do buraco negro supermasivo galaxia M87 . É unha imaxe poderosa que nos fai sentir pequenos… aínda que non é doado apreciar a súa enormidade.
Para ter na nosa mente unha idea máis precisa do seu tamaño, hai que recorda que esta besta está a uns 55 millóns de anos luz de distancia, no fondo dunha galaxia cun radio de 60.000 anos luz. A nosa propia galaxia ten máis de 100.000 anos luz en comparación.
Publicidade
A masa do buraco negro supón multiplicar o Sol por 6.500 millóns
A masa do buraco negro supón multiplicar o noso Sol por 6.500 millóns. Para engadir dramatismo a este detalle, temos que pensar que toda esa mesa etá concentrada nun único punto, que tecnicamente, non ten dimensións espaciais. O resultado é unha atracción gravitatoria colosal , á que non poden escapar os fotóns e, polo tanto, a propia luz. Para ter a esperanza de escapar, ese fotón debería estar a uns 18.000 millóns de quilómetros do centro do buraco negro, o que supón aproximadamente 122 veces a distancia entre a Terra e o Sol.
A luz e a materia forman un anel mentres se precipitan sobre o buraco negro, ata alcanzar o seu horizonte de sucesos , o punto de non retorno. Mentres todo o conxunto xira a unha velocidade que se achega ao límite máximo de velocidade do Universo, arroxando radiación a medida que avanza.
Pero todos estes datos sobre esta foto colosal, tamén poden comprenderse ao comparar o buraco negor de M87 co noso Sistema Solar. O físico e historietista estadounidense Randall Munroe fixo o traballo e compara neste gráfico as dimensións do mostro. E, sen dúbida, fainos sentir moi pequenos…
Gráfico de Randall Munroe.
