A chave está nun mantón de Catherine Eddowes, unha das vítimas que se lle atribuíron a Jack o Destripador, o célebre e cruento asasino que viviu no Londres de finais do século XIX. Ata agora ninguén puido revelar a identidade deste asasino (ou asasinos, xa que non se descarta que fora cousa de varias persoas distintas). E un estudo xenético publicado no Journal of Forensic Sciences espertou de novo o interese. Nel, a partir da análise de restos de sangue e seme presente no mantón, volven apuntar cara a Aaron Kosminski, un barbeiro polaco que xa estaba entre os sospeitosos.
Os investigadores Jari Louhelainen e David Miller afirman que obtiveron restos de ADN mitocondrial no mantón no que é, nas súas palabras, “o estudo máis avanzado ata agora” sobre a identidade do Destripador. Pero as críticas non tardaron en chegar. Algúns expertos, como o xenetista Adam Rutherford, calificaron a investigación de Louhelainen e Miller como “ciencia terrible”. Porque hai moitas dúbidas de que o mantón de Catherine Eddowes estivera no lugar do crime, alén da posibilidade de que fose contaminado posteriormente con outras trazas de ADN.
Dear all, A thread on bad science: The story doing the rounds about the identification of Jack the Ripper via DNA from a shawl is doing the rounds again.
1/n— Dr Adam Rutherford (@AdamRutherford) 18 de marzo de 2019
Todo apunta, por tanto, a que o misterio sobre a identidade do Destripador perdurará, e é posible que nunca se saiba.
Para ler máis (en inglés):
- Does a new genetic analysis finally reveal the identity of Jack the Ripper?, en Science.
- Still a mystery: DNA hasn’t named Jack the Ripper after all, publicado en The Conversation en 2014.
