Unha nova imaxe para as teorías da conspiración sobre unha perdida civilización marciana. Circula estes días polas redes un vídeo de Youtube que amosa unha rocha do planeta Marte que semella a cabeza dunha estatua dunha muller guerreira, con certo parecido ás esculturas do antigo Exipto.
Só hai un problema: a razón do parecido está nun truco mental chamado pareidolia. Joe White, da canle ArtAlienTV, publicou o vídeo a principios deste mes, acompañado deste comentario: “Atopei o que semella ser unha pequena cabeza de estatua de aparencia feminina en Marte”. A rocha atópaseo no cráter Gale e a imaxe foi tomada polo rover Curiosity da NASA.
“Aseméllase a unha representación tallada dunha guerreira que levaba un casco similar a algúns atopados na Terra desde a Idade Media“, explica White, que engade: “Ten un posible emblema na fronte e algúns trazos faciais moi interesantes que se ven case exipcios no estilo artístico”.
Varias veces nos últimos anos, as formacións rochosas no Planeta Vermello teñen entusiasmado a Internet coa posibilidade dunha civilización en Marte, incluíndo o Mars Bigfoot , a bala de canón de Marte , a culler de Marte e o “Deus asirio marciano”.
Sen excepción, todos estes absurdos ‘descubrimentos’ sempre foron desacreditados como pareidolias . Esta é unha peculiaridade da psicoloxía na cal a mente humana busca significados en datos sen sentido; xeralmente vendo caras onde en realidade non hai ningunha.
O caso máis famoso de Marte é unha imaxe de 1976 que foi coñecida como a Cara en Marte, o que parecía un antigo monumento que representa un rostro humano. Pero a medida que a nosa tecnoloxía mellorou, as imaxes de maior resolución mostraron o que realmente era ese “monumento” : unha mesa natural, sen ningunha cara tallada en absoluto.
A baixas resolucións, a “cara” era só un truco de sombras. White afirma: “Este é un dos centos de artefactos similares que atopei en Marte nos últimos anos”, pero as rocas que parecen caras non significan necesariamente nada. Se botamos unha ollada á Terra veremos moitas formacións rochosas aleatorias e outras características xeográficas que parecen rostros.
Por outra banda, ata o de agora todas as evidencias científicas descartan que en Marte houbese no pasado ningún tipo de civilización. Kenneth Farley, da misión Mars 2020 da NASA, manifestou recentemente que “non hai evidencia dunha civilización perdida de Marte”, ademais de que tal civilización é “extremadamente improbable”.
Así que se queres disfrutar coas pareidolias, aquí tes un feixe de fotos que a nosa mente interpreta como caras pero que non o son.
