Ver fixamente aos ollos durante 10 minutos induce estados alterados de conciencia.

Mirar a alguén aos ollos 10 minutos induce a alucinacións

Unha galega, a neurocientífica coruñesa Susana Martínez-Conde, da Universidade do Estado de Nova York, leva anos analizando estes fenómenos. Xa participou no estudo duns traballos que comezaron no ano 2010 cando se analizaron as consecuencias de observarnos nun espello. Agora, chega un novo e asombroso estudo publicado por Psiquiatry Research. Un experimento que demostra que mirar aos ollos a outra persoa durante dez minutos pode inducir a estados alterados de conciencia.

En 2015, un psicólogo en Italia descubriu como inducir un estado alterado de conciencia libre de drogas pedindo a 20 voluntarios que sentasen e mirasen aos ollos durante 10 minutos seguidos. Semellaba unha tarefa moi simple, pero lles brindou estrañas experiencias “extracorporais” aos voluntarios. Tamén tiveron alucinacións de monstros, ou viron aos seus parentes e a eles mesmos na cara do seu compañeiro.

O experimento, dirixido por Giovanni Caputo da Universidade de Urbino, involucrou a 20 adultos novos (15 dos cales eran mulleres) que se emparellaron, sentaron nunha habitación con pouca luz a 1 metro de distancia e fitaron aos ollos do seu compañeiro durante 10 minutos .

Pediuse a un grupo de control de 20 voluntarios máis que sentasen e mirasen durante 10 minutos noutra habitación pouco iluminada en parellas, pero as súas cadeiras estaban fronte a unha parede en branco.

Os investigadores cren que o efecto ten que ver coa adaptación neuronal

Aos voluntarios díxoselles moi pouco sobre o propósito do estudo, só que tiña que ver cunha “experiencia meditativa cos ollos abertos”. Unha vez que se cumpriron os 10 minutos, solicitouse aos voluntarios completar cuestionarios relacionados co que experimentaron durante e despois do experimento.

Un cuestionario centrouse en calquera síntoma disociativo que os voluntarios puidesen experimentar, e outro cuestionou sobre o que percibiron na cara da súa parella. A disociación é un termo utilizado en psicoloxía para describir toda unha gama de experiencias psicolóxicas que fan que unha persoa se senta separada da súa contorna inmediata.

Un estudo previo estudou os efectos de mirar ó espello.
Un estudo previo estudou os efectos de mirar ó espello.

Síntomas tales como a perda de memoria, ver todo en cores distorsionados ou sentir que o mundo non é real pode ser provocado polo abuso de drogas como ketamina, alcol e LSD; e agora, aparentemente, mirando á cara.

“Os participantes dixeron que tiveron unha experiencia diferente a todo o que sentiran antes”, escribiu Christian Jarrett para o Research Digest da British Psychological Society nese momento.

Reportando na revista Psychiatry Research , Caputo dixo que todo suxire que algo acerca de fitar aos ollos doutro humano durante 10 minutos ininterrompidos tivo un profundo efecto na súa percepción visual e estado mental .

No cuestionario, o 90 por cento viu caras raras. O 75 por cento dixo que vira un monstro, o 50 por cento dixo que viron aspectos da súa propia cara na cara da súa parella, e o 15 por cento dixo que viran un parente.

“Os resultados lembraron o que Caputo descubriu en 2010 cando realizou un experimento similar con 50 voluntarios mirándose nun espello durante 10 minutos”, escribiu a investigadora galega Susana Martínez-Conde, da Universidade do Estado de Nova York.

“As descricións dos participantes incluían grandes deformacións dos seus rostros, ver rostros de pais vivos ou falecidos, rostros arquetípicos como unha anciá, un neno ou o retrato dun antepasado, rostros de animais como un gato, porco ou león; mesmo seres fantásticos e monstruosos “, escribiron Susana Martínez-Conde e Stephen L. Macknik para Scientific American .

Martinez-Conde e Macknik explican que é probable que teña algo que ver coa adaptación neuronal, que describe como nosas neuronas poden retardar ou mesmo deter as súas respostas ante unha estimulación inmutable.

Sucede cando fitas calquera escena ou obxecto durante un período prolongado: a túa percepción comezará a desvanecerse ata que parpadee ou a escena cambie, ou pode rectificarse mediante pequenos movementos involuntarios dos ollos chamados microsacadas.

Se queres facer o experimento na casa, non esquezas que poida que teñas alucinacións. E se queres ver outros traballos da coruñesa Susana Martínez Conde, aquí tes algúns dos seus traballos sobre ilusión ópticas.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.