Xoves 28 Marzo 2024

A ciencia calcula o lugar óptimo para colocar o teu router

Á espera da anunciada chegada do 5G, as conexións inalámbricas wifi seguen sendo a principal fonte de acceso a internet nas vivendas. Porén, ás veces os usuarios atópanse con problemas debido a que as ondas do router non chegan coa forza suficiente a outros lugares da casa. Así, ás veces a velocidade ralentízase ou, directamente, é preciso comprar repetidores para non ter problemas de acceso á rede.

Non, o mellor lugar non é o centro da vivenda. Fonte: James Cole.
Non, o mellor lugar non é o centro da vivenda. Fonte: James Cole.

Pero a ciencia tamén pode axudar nisto. Así o pensou James Cole, un físico e divulgador británico que desenvolveu unha fórmula para calcular o mellor lugar posible na vivenda no que colocar o router ou encamiñador, desde donde se emite o sinal wifi ao resto da casa.

Publicidade

A partir da ecuación de Hemholtz, moi usada nos cálculos de electromagnetismo, Cole fixo unha composición de lugar co plano da súa vivenda, asignando determinados valores de refracción das ondas ás paredes da estancia. Con este ‘mapa’ na man, desenvolveu un modelo no que é posible ver como se distribúen polo piso as ondas do ‘router’.

A primeira conclusión á que chegou era a máis lóxica: colocar o router xusto no centro da vivenda era o máis axeitado. Porén, isto non sempre é posible debido as instalacións eléctricas e telefónicas dalgunhas vivendas. Pero ademais, Cole chegou á conclusión de que había outro lugar máis efectivo, tendo en conta a capacidade de absorción das ondas que teñen compostos como o cemento, que modifican o espallamento das ondas. Así obtivo un novo modelo máis achegado á realidade da propagación do sinal wifi.

Así, por tanto, se o router se coloca nun lugar onde as ondas se atopen cos menores obstáculos posibles, o sinal será máis efectivo e chegará con máis forza a máis puntos da casa. Vese nun vídeo que publicou o propio James Cole.

Para axudar ás moitas persoas que se atopan con esta pequena dificultade, Cole mesmo desenvolveu unha ‘app‘, chamada WiFi Solver, que permite calcular como se espalla a sinal da conexión inalámbrica por cada fogar, dependendo da distribución das súas paredes, e aconsella cal sería o mellor lugar para colocar o router. Podes descargala nesta ligazón.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:04:39

Pode caer un raio dúas veces no mesmo sitio?

Grazas aos pararraios a humanidade non teme hoxe as tormentas e o seu poder destrutivo, pero o lugar onde caen as descargas ten pouco de azar e moito de fondo científico

Laboratorio de redes de comunicación 5G & 6G de atlanTTic, deseñando o futuro

Felipe Gil Castiñeira, director do laboratorio, sinala o reto que enfrontan: crear unha rede piloto 5G-6G que converterá o campus de Vigo “nun espazo de investigación avanzado”

Así se ve a constelación de satélites de Elon Musk

Máis de 4000 obxectos orbitan arredor da Terra para vender unha tarifa de datos que proporciona acceso universal á rede

Caída masiva de internet nas principais compañías móbiles en España

Numerosos usuarios quéixanse de dificultades para acceder á rede e incluso chamar, pero non transcendeu que impacto tivo en Galicia