Mércores 21 Febreiro 2024

Un estudo suxire que os polbos teñen pesadelos

Un equipo de Nova York filma en repetidas ocasións como un macho esperta violentamente, como se tivera un trastorno do sono

Un equipo da Universidade Rockefeller de Nova York filmou, en reiteradas ocasións, como un polbo macho espertaba violentamente e exhibía comportamentos extraños, como se tivese pesadelos ou sufrise un trastorno do sono. Malia que esa é unha das hipóteses que barallan, non é a única, posto que os científicos admiten a pouca información que se ten sobre cefalópodos en xeral e os polbos en particular.

Segundo aparece no vídeo, o polbo chamado Costello parecía durmir pracidamente nun dos tanques de auga do laboratorio ata que, de repente, comezou a axitar os seus tentáculos. Nunha das veces que foi filmado, o animal disparou un chorro de tinta negra á auga, un mecanismo de defensa contra os depredadores. “Foi realmente extraño porque parecía ter dor. Despois ergueuse como se nada pasara”, apunta Eric Ángel Ramos, investigador posdoutoral da Universidade de Vermont que axudou a filmar o polbo.

Publicidade

Pese a todo, os científicos non extraen ningunha conclusión clara. No estudo publicado no servidor bioRxiv, que aínda non foi revisado por pares, barállase que o animal estivera respondendo a un recordo episodio negativo ou mostrando unha forma de parasomnia, é dicir, un trastorno do sono. De todos modos, hai pouca evidencia científica sobre a neurociencia do sono dos cefalópodos e, incluso, aínda que poidan soñar, poden facelo de forma diferente aos humanos.

De feito, os investigadores cren que puido haber algún outro estímulo externo, máis alá do sono, que motivase este violento comportamento. Ou, incluso, que xa comezase a mostrar signos de senescencia, que é a etapa anterior á morte, cando os polbos comezan a descompoñerse. É máis, a especie á que pertence Costello vive entre 12 e 18 meses e o polbo morreu pouco despois destes incidentes.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Tes terrores nocturnos? Así podes identificar e manexar estes estalidos de angustia

Estes trastornos do sono adoitan afectar a menores: estímase que os experimentan entre o 1% e o 5% dos nenos en idade escolar

O mosteiro de Samos ten gravada a inscrición ‘Que miras bobo’ dende o século XVI

O curioso lema atribúese ao mestre canteiro Pedro Rodrígues, quen se ocupou dos traballos de reconstrución do edificio

Así é unha pelexa entre polbos: captan por primeira vez como se lanzan area entre eles

Un equipo australiano cre que este comportamento é intencionado e podería ser unha nova forma de comunicación

Por que os polbos se autodestrúen despois do apareamento?

O exceso de colesterol e das hormonas sexuais son algúns dos motivos que levan ao que o animal se quite a vida despois de ter ás súas crías