O cannabidiol axudaría, segundo o estudo, a reducir a tendencia ao consumo de cocaína.
O cannabidiol axudaría, segundo o estudo, a reducir a tendencia ao consumo de cocaína.

Un derivado do cannabis pode axudar a superar a adicción á cocaína

Un estudo realizado en ratos de laboratorio expón que unha substancia derivada do cannabis, o cannabidiol, pode axudar a minguar os efectos adictivos da cocaína. O traballo, publicado na revista Neuropharmacology, foi realizado polo grupo de Investigación en Neurobioloxía do Comportamento da universidade Pompeu Fabra de Barcelona.

A cocaína é a segunda droga ilícita máis consumida en Europa e Estados Unidos, precisamente por detrás do cannabis. O seu consumo provoca serios problemas de saúde e adicción, na que os enfermos buscan de xeito compulsivo a droga, a pesar dos seus efectos daniños. Alén das terapias de desintoxicación, non existen tratamentos efectivos, polo que é necesario desenvolver novas estratexias terapéuticas.

A cocaína é a segunda droga ilegal máis consumida en Europa, precisamente por detrás do cannabis

O cannabidiol, unha substancia derivada da planta do cannabis, non ten potencial adictivo, e en traballos previos, os derivados cannabinoides xa amosaran resultados prometedores para o tratamento de trastornos neuropsiquiátricos, incluída a adicción ás drogas.

Neste estudo, os investigadores administraron cannabidiol de forma repetida a ratos aos que se lle induciu adicción á cocaína. Estes ratos, ao presionar unha panca, autoadministrábanse unha dose da droga de forma voluntaria.

“Para determinar se o cannabidiol pode atenuar o reforzo da cocaína, avaliamos as respostas de comportamento inducidas pola droga. E vimos que o cannabidiol reduciu o consumo voluntario de cocaína e os efectos de recompensa e reforzo”, explica Miguel Ángel Luján, primeiro autor do artigo.

Outra das autoras, Olga Valverde, destaca: “O cannabidiol pode modular algunhas manifestacións do reforzo da cocaína. Incrementa a expresión de factores neurotróficos mediante un mecanismo que involucra aos receptores cannabinoides CB1 e promove a proliferación de novas células no hipocampo, área cerebral relacionada coas funcións da memoria”, indica.

“O noso estudo proporciona novas evidencias sobre a posibilidade de utilizar o cannabidiol como unha ferramenta terapéutica. Ademais, permitiunos comprender mellor o papel modulador deste composto nas vías de sinalización subxacentes ao consumo de cocaína”, conclúe a investigadora.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.