Dúas notas manuscritas nas que Albert Einstein explica como vivir unha vida feliz foron adxudicadas en Xerusalén en 1,32 millóns de euros. A casa de poxas Winner sinalou que o prezo resulta preto de 200 veces superior ás estimacións previas, que apuntaba a conseguir un valor de entre 5 e 8 mil dólares.
Corría o ano 1922 e o físico famoso pola súa teoría da relatividade atopábase de xira por Xapón, ofrecendo conferencias. Un mensaxeiro chegou ao Imperial Hotel de Tokio para entregarlle a Einstein unha mensaxe. Este decatouse de que non tiña efectivo co que gratificarle. No seu lugar, deulle eses dous folios cunhas notas soltas, ás que engadiu a súa firma. Einstein dixo que esas notas algún día terían valor. Non se trabucaba.
A primeira nota, adxudicada en 1,56 millóns de dólares e escrita nun folio, afirma que “unha vida sinxela e tranquila achega máis alegría que a procura do éxito nun desasosego constante“. A outra, que se adxudicou en 240,000 dólares, foi escrita nunha folla de papel, e di simplemente: “Onde hai un desexo, hai un camiño“.
