Un xulgado da Coruña declara nula a cláusula que prohibe liberar un móbil

A sentenza emitida esta semana polo xulgado número 1 do Mercantil de A Coruña, á que tivo acceso GCiencia, pode converterse nun precedente xurídico importante nas relacións entre os usuarios e as compañías telefónicas. O fallo xudicial, que pode ser recorrido, condena á empresa Vodafone a reintegrar aos seus clientes as cantidades esixidas despois de que realicen a liberación dos seus móbiles, unha vez concluído o prazo de permanencia na compañía que establecía o contrato. A demanda foi presentada pola asociación de usuarios de banca ADICAE.

A sentenza considera “nula” a cláusula que se establece nos contratos pola que un usuario non pode liberar o móbil aínda que xa non estea vixente a permanencia na compañía coa que o contratou. “Unha vez finalizado o período de permanencia, ou con anterioridade, se abonaron a cláusula penal ou se están a cumprir as obrigacións derivadas do contrato, o cliente debe ter a posibilidade de utilizar libremente o terminal”, di textualmente a sentenza.

Publicidade

Vodafone deberá devolver os cartos a todos os clientes que pagaron a penalización

O xuíz condena a Vodafone a abonar as cantidades cobradas indebidamente a aquelas persoas que liberaron o seu móbil unha vez concluido o período de permanencia e tamén a aquelas que liberaron o seu teléfono despois de desvincularse da compañía ao pagar a penalización por cancelación anticipada do contrato. Ademais a sentenza establece que deberán aboarse os intereses correspondentes dende a data da presentación da demanda.

O fallo declara ademais a nulidade das cláusulas nos contratos que xa están en vigor e reclama a Vodafone que non a inclúa nos contratos que se asinen a partir de agora. Tamén sinala que deberá comunicar aos seus clientes, de xeito individualizado, o cambio nas condicións dos contratos asinados ao suprimirse esta cláusula. Contra a sentenza cabe recurso de apelación ante a Audiencia Provincial de A Coruña.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Por que deberiamos deixar de usar o móbil no baño

O teléfono está máis sucio que a tapa do váter e usámolo centos ou miles de veces ao día sen que se nos pase pola cabeza limpar as mans

Un enxeñeiro galego crea un mecanismo para acelerar as conexións a internet no móbil

Esta proposta da tese de Pablo Fondo, do atlanTTic, é compatible coas redes 4G existentes, o que facilita a súa integración

WhatsApp volve á normalidade logo de dúas horas colapsado en todo o mundo

O primeiro fallo no sistema de mensaxería empezou sobre as nove da mañá deste martes e agora xa funciona con normalidade para a maioría de usuarios

Máis do 91% dos rapaces galegos de 5 a 15 anos usa dispositivos dixitais

Un informe da Axencia para a Modernización Tecnolóxica de Galicia recolle que a porcentaxe ascende ao 99% na franxa de 10 a 15 anos