Venres 29 Marzo 2024

Por que o mércores recibirás un SMS alertándote dunha catástrofe?

Miles de teléfonos galegos recibirán unha mensaxe cunha alerta de perigo do Goberno do Estado. Explicámosche por que vai acontecer

O Ministerio do Interior, a través da Dirección Xeral de Protección Civil e Emerxencias, está a realizar as probas correspondentes para verificar o funcionamento do protocolo ES-Alert para enviar alertas á poboación que se atope nunha zona afectada por emerxencias ou catástrofes inminentes. É un sistema tamén coñecido como 112 inverso.

Previuse un calendario de probas nas diferentes zonas do Estado. Os centros de resposta a emerxencias, en coordinación co Centro Nacional de Seguimento e Coordinación Emerxencias do Ministerio do Interior, enviarán mensaxes simuladas alertando dun risco de protección civil e un asubío, acompañado de vibración, nos teléfonos móbiles alertará da recepción da mensaxe. E a Galicia tócalle este mércores.

Publicidade

O sistema É-Alert foi despregado o pasado 21 de xuño, e é futo da colaboración entre os Ministerios do Interior e de Asuntos Económicos e Transformación Dixital, sendo financiado con fondos de recuperación e resiliencia. Esta tecnoloxía, que se pon a disposición das autoridades de protección civil de ámbito estatal e autonómico, suma unha nova ferramenta de alertas á poboación ás que xa conta o Sistema Nacional de Protección Civil.

Soará un asubío nalgúns teléfonos móbiles, anunciando que se trata dunha mensaxe de proba do sistema de alertas de protección civil a través das redes de telefonía móbil e sinalando que non hai que facer nada especial. É unha proba para asegurar que funciona adecuadamente.

O texto da mensaxe

Pero, cal é o texto da mensaxe? Protección Civil explica que dirá: “Isto é unha mensaxe de proba do novo sistema español de avisos de emerxencias a través de redes de telefonía móbil ‘112 inverso’ enviado polos Servizos de Protección Civil. Unha vez lido a mensaxe pulse ‘Aceptar’ para eliminalo da pantalla. Non é necesario realizar ningunha outra acción”.

O sistema permite seleccionar o envío da mensaxe en español e inglés. Doutra banda, o Ministerio do Interior non controla aos destinatarios, é dicir, respéctase a protección de datos, porque para envialo cóntase cun sistema cego que non sabe nada do individuo que recibe a alerta, senón que se envía aos cartóns SIM pola localización das mesmas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Risco e niveis de alerta pola pandemia: en que punto se atopa Galicia?

Os indicadores que ten en conta cada comunidade autónoma e as medidas acordadas co Ministerio de Sanidad inclúen distintos criterios para tomar decisións

RadarCovid e Passcovid: dúbidas e confusión coas ‘apps’ do Goberno e a Xunta

As ferramentas de rastrexo anunciadas polas Administracións, que entrarán proximamente en funcionamento, amosan algúns puntos pouco claros

Por que non hai máis laboratorios en Galicia facendo as probas PCR?

As análises para detectar o SARS-CoV-2 limítanse a hospitais e un centro privado a pesar do ofrecemento de universidades, centros públicos e empresas

O Goberno español prepara un estudo de inmunidade con máis de 4.000 probas en Galicia

O Centro Nacional de Epidemioloxía propón a realización dun estudo de seroprevalencia para orientar as futuras medidas fronte ao coronavirus