Menos actividade e máis rutina: así é o noso estilo de vida

Un estudo confirma que o patrón mundial cambiou dende a década de 1960 cara a unha forma de vivir cada vez menos dinámica

O noso estilo de vida é cada vez menos dinámico.
O noso estilo de vida é cada vez menos dinámico.

De acordo ás respostas ofrecidas por millóns de persoas nos países dos que se teñen datos, o estilo de vida no mundo desde a década de 1960 é cada vez menos dinámico. Esta é a principal conclusión dunha investigación con datos mundiais de enquisas de uso do tempo no que participaron científicos da Universidade Politécnica de Madrid (UPM) e da Universidade de Alacante (UA).

Estes expertos desenvolveron o Índice de dinámica de estilo de vida (Lifestyle Dynamics Index® −abreviado como LDI−), un índice novo que captura a dinámica do estilo de vida segundo a información de actividades proporcionada polos usos diarios do tempo.

“A partir dos resultados, a tendencia mostrada por Reino Unido, Países Baixos, España e, especialmente, Estados Unidos é que existe evidencia a favor dunha menor dinámica no estilo de vida en todo o mundo. Isto significa que, desde a década de 1960, un individuo parece estar a realizar menos actividades e máis rutinas repetidas nas actividades diarias”, apuntan nun comunicado da UPM.

Desde a década de 1960, un individuo parece estar a realizar menos actividades e máis rutinas repetidas nas actividades diarias

O Índice de dinámica de estilo de vida podería ser un instrumento eficaz para a toma de decisións socioeconómicas relevantes. Dito termo utilizouse en relación con estudos familiares e ambientais e refírese a como evoluciona co tempo a forma en que viven as persoas. Así mesmo, este concepto mostra implicacións socioeconómicas e domésticas, así como efectos na saúde pública ou o consumo de enerxía dos fogares.

Do día máis tranquilo, ao día máis caótico

No estudo, que publica a revista Socio-Economic Planning Sciences, o novo índice LDI aplicouse aos contidos do Multinational Time Use Study (MTUS) e do American Time Use Survey (ATUS).

O índice ordena as actividades nunha escala de 0 a 100, onde un 0 é un estilo de vida no que só se fai unha actividade en todo o día, e 100 onde se fan todas. En concreto, dinos a posición en orde dun día medio dentro dun país: desde o día máis tranquilo, ata o día máis caótico posible.

“España só conta con dúas enquisas de uso do tempo a escala nacional e oficial, e non recolle datos de uso do tempo desde 2008 a 2009”, sinala Raúl G. Sanchis, o investigador da UPM que participou no traballo. “A medida que se publiquen máis datos de enquisas sobre o uso do tempo en todo o mundo, o uso potencial do Índice de dinámica de estilo de vida para fins de política socioeconómica e benestar poderá explotarse mellor”, conclúe.

O traballo analiza o caso Estados Unidos debido a que é o único país do mundo que toma datos estatísticos anualmente de maneira oficial mediante o ATUS. No século XXI, o país americano mostra tamén unha caída xeral do índice na década do 2003 ao 2012, cunha caída anual a partir de 2008.


Referencia: Lifestyle dynamics index: Worldwide results and the case of the United States of America (Publicado en Socio-Economic Planning Sciences)

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.